राप्रपा नेपाल कञ्चनको प्रथम अधिबेशन सम्पन्न, अध्यक्ष दुर्गा बहादुर थापा

राजनीति

गृहपृष्ठ
राजनीति
राप्रपा नेपाल कञ्चनको प्रथम अधिबेशन सम्पन्न, अध्यक्ष दुर्गा बहादुर थापा

राप्रपा नेपाल कञ्चनको प्रथम अधिबेशन सम्पन्न, अध्यक्ष दुर्गा बहादुर थापा

शुक्रबार, चैत १५, २०८१ कञ्चन खवर

१४ चैत्र, कञ्चन
रुपन्देहीको कञ्चनमा राप्रपा नेपालको कञ्चन गाउँ कार्यसमितिको प्रथम अधिबेशन सम्पन्न भएको छ। अधिबेशनले दुर्गा बहादुर थापाको अध्यक्षतामा २१ सदस्यिय नयाँ कार्यसमिति गठन गरेको छ।
अधिबेशनले समितिको उपाध्यक्ष रेनु बोहरा क्षेत्री र किसन बहादुर ठकुरी सचिवमा गिरीप्रसाद पुन, सहसचिवमा शान्ता घिमिरे र कोषाध्यक्षमा तारा क्षेत्रीलाई सर्बसम्मत निर्वाचित गरेको छ।
यस्तै सदस्यहरुमा दुर्गा बहादुर भूजेल, पवन परियार, चमेली परिवार, दिल बहादुर दगामी, पदम बहादुर मल्ल, देवी काउचा, तारा क्षेत्री, दुर्गा लोध, बल बहादुर जि.सी., मिन बहादुर राना, रामु राई, धन बहादुर क्षेत्री, लक्ष्मी थापा क्षेत्री र सम्झना थापा निर्वाचित भएका छन।
नवनिर्वाचित कार्य समितिलाई बधाई तथा शुभकामना दिदै राप्रपा नेपालका रुपन्देही अध्यक्ष सागर प्रताप राणले आफुलाई गढातन्त्र भन्ने तर राजा महाराजाको चरित्र प्रदर्शन गरेका राजनैतिक दलहरुका कारण राजतन्त्रको पुनः स्थापनालाई अझ बलियो आधार बनिरेहको बताएका छन। अव देशमा पागलहरुलाई अभिभावक मान्न नसकिने भन्दै अध्यक्ष राणाले संबैधानिक राजसंस्था, प्रत्यक्ष निर्वाचित कार्यकारी प्रधानमन्त्री सहित प्रदेश खारेजीले मात्र देशलाई बचाउन सकिने जिकिर गरेका थिए।
यस्तै राप्रपा नेपालका केन्द्रिय सदस्य मिनप्रसाद घिमिरेले देशमा भएको बेथिति, अनियमित्ता र भ्रष्टचारको अन्त्यका लागि संबैधानिक राजसंस्थाको विकल्प नभएको बिचार व्यक्त गरेका थिए।
दुर्गा बहादुर थापाको अध्यक्षता, किसन बहादुर ठकुरीको स्वागत तथा गिरीप्रसाद पुनको सञ्चालनमा भएको कार्यक्रममा राप्रपा रुपन्देहीका उपाध्यक्ष अजय गुप्ताले समेत बोल्नु भएको थियो।

प्रकाशित मिति: शुक्रबार, चैत १५, २०८१ ०६:१२