नेपाल प्रजातान्त्रिक महासंघ रुपन्देहीको प्रथम जिल्ला अधिवेशन श्रावण २३ गते

राजनीति

गृहपृष्ठ
राजनीति
नेपाल प्रजातान्त्रिक महासंघ रुपन्देहीको प्रथम जिल्ला अधिवेशन श्रावण २३ गते

नेपाल प्रजातान्त्रिक महासंघ रुपन्देहीको प्रथम जिल्ला अधिवेशन श्रावण २३ गते

बिहीबार, साउन २१, २०८३ कञ्चन खवर

२१ साउन, बुटवल
नेपाल प्रजातान्त्रिक महासंघ, जिल्ला कार्यसमिति रुपन्देहीले आफ्नो प्रथम जिल्ला अधिवेशन आगामी २०८३ साल श्रावण २३ गते शनिबार आयोजना गर्ने भएको छ। महासंघले सार्वजनिक गरेको जानकारीअनुसार लोकतन्त्र, राष्ट्रियता र समाजवादको मूल आदर्शलाई आत्मसात् गर्दै संगठनलाई जिल्लास्तरमा थप सुदृढ बनाउने उद्देश्यले अधिवेशन आयोजना गर्न लागिएको हो।
महासंघमा लोकतान्त्रिक बुद्धिजीवी संघ, नेपाल, लोकतान्त्रिक आर्थिक तथा वित्तीय संघ, नेपाल, लोकतान्त्रिक उद्योग वाणिज्य समन्वय संघ, नेपाल, लोकतान्त्रिक अध्ययन तथा अनुसन्धान केन्द्र, नेपाल, सहकारी अनुसन्धान तथा अध्ययन केन्द्र, नेपाल
लोकतान्त्रिक इन्भेष्टर्स फोरम, नेपाल, लोकतान्त्रिक प्रशासन तथा व्यवस्थापन संघ, नेपाल, नेपाल प्रजातान्त्रिक संघ नेपाल विकास समन्वय संघविभिन्न पेशागत तथा विषयगत लगायत लोकतान्त्रिक विचारधारामा आबद्ध संघ–संस्थाहरू आवद्ध रहेका छन्।
महासंघले अधिवेशनलाई सफल बनाउन सम्पूर्ण प्रतिनिधि, सदस्य तथा लोकतान्त्रिक विचारमा आस्था राख्ने सबैलाई सहभागी हुन नेपाल प्रजातान्त्रिक महासंघ रुपन्देहिका प्रबक्ता महेश शर्माले आग्रह गर्नु भएको छ। अधिवेशनबाट नयाँ जिल्ला नेतृत्व चयन गर्नुका साथै संगठनको भावी कार्यदिशा तय गर्ने प्रवक्ता शर्माले अपेक्षा गर्नु भएको छ।
महासंघले लोकतान्त्रिक मूल्य–मान्यता, राष्ट्रिय एकता तथा समाजवाद उन्मुख समृद्ध नेपालको निर्माणमा आफ्नो भूमिका थप प्रभावकारी बनाउने प्रतिबद्धतासमेत व्यक्त गरेको छ। "जय नेपाल" नारासहित आयोजना हुन लागेको यस अधिवेशनले रुपन्देहीमा महासंघको संगठन विस्तार र सुदृढीकरणमा महत्वपूर्ण योगदान पुग्ने विश्वास गरिएको छ।

प्रकाशित मिति: बिहीबार, साउन २१, २०८३ १९:३७

प्रतिक्रिया दिनुहोस्