प्याब्सन कञ्चनले राहत स्वरुप १ लाख १० हजार रुपैया आर्थिक सहयोग गर्ने

शिक्षा

गृहपृष्ठ
शिक्षा
प्याब्सन कञ्चनले राहत स्वरुप १ लाख १० हजार रुपैया आर्थिक सहयोग गर्ने

प्याब्सन कञ्चनले राहत स्वरुप १ लाख १० हजार रुपैया आर्थिक सहयोग गर्ने

2076/12/22 कञ्चन खवर

२२ चैत्र,कञ्चन
विश्वब्यापी रुपमा फैलिएको कोरोना भाइरस कोभिड १९ को सम्भाबित संक्रमणलाई रोकथाम गर्न देशभर लागु गरिएको लकडाउन कारण घर बाहिर ज्याला मजदुरी गर्न नपाएका तर दैनिक गुजारा गर्न नपाएका बिपन्न घरपरिवारलाई राहतको ब्यबस्थापन गर्न कञ्चन गाउपालिकाले स्थापना गरेको दैबि प्रकोप कोरोना नियन्त्रण कोषमा प्याब्सन कञ्चनले आर्थिक सहयोग गर्ने भएको छ ।
कञ्चन गाउपालिकामा संचालन रहेका १० निजी तथा आवासिय बिधालयहरुको छाता संगठन प्याब्सन कञ्चनको आज बसेको बैठकले कोरोना भाइरसको सम्भाबित संक्रमणलाई रोकथाम गर्न लागु गरिउको लकडाउनले गर्दा कुनैपनि योजना तथा निर्माण कार्य संचालन नभएको र ज्याला मजदुरी गर्न नपाई दैनिक जिवीको पार्जनमा समस्या परेका बिपन्न घरपरिवारलाई राहात सामाग्रीको ब्यबस्थापन गर्न गाउपालिकालाई सहयोग पुर्याउन प्याब्सन कञ्चनले १ लाख १० हजार रुपैया आर्थिक सहयोग गर्ने निर्णय गरेको प्याब्सन कञ्चनका सचिव तथा झारगैरा जनचाहना ईंलिस स्कmुका प्रिन्सीपल गणेश आचार्यले जानकारी दिनु भएको छ । प्याब्सन कञ्चनले आफ्ना सदस्य बिधालयहरुबाट आर्थिक संकलन गरी कञ्चन गाउपालिकाका अध्यक्ष गोकर्ण बहादुर क्षेत्री मार्फत गाउपालिकाले स्थापना गरेको दैबि प्रकोप कोरोना नियन्त्रण कोषमा आर्थिक सहयोग उपलब्ध गराउने सचिव आचार्यले जानकारी दिनु भएको छ ।
महामारी रोग कोरोना भाइरसको जोखिमलाई रोकथाम गर्न नेपाल सरकारको निर्देशन अनुसार कञ्चन गाउपालिकाले लागु गरिएको लकडाउनको पुर्ण रुपमा पालना गरी आफ्नै घरको होम क्वारेन्टाइनमा बस्न सम्पुर्ण बिधार्थी तथा अभिभावकहरुलाई प्याब्सन कञ्चनका अध्यक्ष तथा इभरग्रिन ईंलिस स्कुलका प्रिन्सीपल मोहन सुनारले आग्रह गर्नु भएको छ।यो संकटमा कुनैपनि अभिभावक नआत्तिन र घरमै बसी आफ्ना छोराछोरीहरुलाई सृजनात्मक कार्यहरु गर्न उत्प्रेरित गर्न अभिभावकहरुलाई अध्यक्ष सुनारले अनुरोध गर्नु भएको छ।
गाउपालिका भित्र भैपरी आउने जस्तो सुकै संकटका समयमा स्थानिय सरकारलाई आर्थिक, भौतिक तथा सामाजिक र मानसिक रुपमा सहयोग गर्न प्याब्सन कञ्चन तयार रहन सदस्य विद्यालयहरुलाई कन्चन प्याब्सनका अध्यक्ष मोहन सुनारले आग्रह गर्नु भएको छ । अध्यक्ष सुनारले बिदेशबाट आउने कुनैपनि आफन्तहरुलाई सिधै घरमा नभई गाउपालिकाले निर्माण गरेको क्वारेन्टाइनमा कम्तीमा दुइ हप्ता सुरक्षित रुपमा बस्न लगाउन कञ्चनवासीलाई समेत आग्रह गर्नु भएको छ।

प्रकाशित मिति: शनिबार, चैत २२, २०७६ १९:४२