काठमाण्डौ उपत्यकाको निषेधाज्ञा आजदेखि केही खुकुलो

राष्ट्रिय

गृहपृष्ठ
राष्ट्रिय
काठमाण्डौ उपत्यकाको निषेधाज्ञा आजदेखि केही खुकुलो

काठमाण्डौ उपत्यकाको निषेधाज्ञा आजदेखि केही खुकुलो

2021-6-3 कञ्चन खवर

२० जेठ, काठमाण्डौ ।

काठमाण्डौ उपत्यकाको निषेधाज्ञा आजदेखि केही खुकुलो भएको छ । यसअघि गरिएको निषेधाज्ञामा खाद्यान्नका पसल समेत सञ्चालन गर्न रोक लगाईएको थियो । एक हप्तासम्म खाद्यान्नका पसल समेत बन्द गर्ने गरी भएको निषेधाज्ञा आजदेखी भने केही खुकुलो गरी खाद्यान्न, किराना, तरकारी तथा फलफूल पसल, दूध डेरी, मासु पसल, ग्यास पसल बिहान ९ बजेसम्म खोल्न पाइने भएको छ । यस्तै निर्माण सामग्री ढुवानीका गाडी राति ९ बजेदेखि बिहान ४ बजेसम्म चलाउन पाइने गरी निर्णय गरिएको छ । गाडी मर्मत गर्ने वर्कसपहरु राति ९ बजेदेखि बिहान ९ बजेसम्म खोल्न पाइनेछ ।
गएराति १२ बजेपछि लकडाउन केही खुकुलो बनाउँदै जेठ मसान्तसम्म का लागी थपिएको हो । शैक्षिक संस्था, सार्वजनिक निजी गाडी तथा भोज, सभा समारोहजस्ता धेरै मानिस जम्मा हुने स्थललाई बन्द गर्ने निर्णय यथावत राखिएको छ । घरमै वा बसेको ठाउँमा ७ जनासम्म जम्मा भइ विवाह व्रतबन्ध गर्न पाइने छ । सरकारले तोकेका मापदण्ड पालना गरी कृषिको काम गर्न पनि छुट दिइएको छ।
अत्यावश्यकबाहेकका अन्य सरकारी कार्यालय, सार्वजनिक संस्थान र बीमा कार्यालयहरु बन्द रहने भएका छन् । जेठ ३१ गतेसम्म कुनै पनि व्यक्ति अत्यावश्यक बाहेक घरबाट बाहिर निस्कन नपाइने पनि आदेशमा उल्लेख गरिएको छ ।
यस्तै रुपन्देहीमा पनि जेठ मसान्तसम्मका लागि निषेधाज्ञा थपिएको छ ।खाद्यान्न पसलहरू स्वास्थ्य मापदण्ड अपनाएर बेलुकी ८ बजेदेखि बिहान ४ बजेसम्म खोल्न पाइने व्यवस्था गरेर निषेधाज्ञा थप गरेको प्रमुख जिल्ला अधिकारी अस्मान तामाङले बताउनुभयो । अहिले खोटाङ र मनाङबाहेक ७५ वटा जिल्लामा निषेधाज्ञा जारी छ ।

प्रकाशित मिति: शुक्रबार, जेठ २१, २०७८ ११:४७