अन्ततः कांग्रेस र एमालेको संयुक्त सरकार बन्ने नै भयो

राष्ट्रिय

गृहपृष्ठ
राष्ट्रिय
अन्ततः कांग्रेस र एमालेको संयुक्त सरकार बन्ने नै भयो

अन्ततः कांग्रेस र एमालेको संयुक्त सरकार बन्ने नै भयो

मंगलबार, असार १९, २०८१ कञ्चन खवर

१८ असार, काठमाडौं
अन्ततः दुई ठूला शासक दलहरु नेपाली कांग्रेस र नेकपा एमालेको नयाँ संयुक्त सरकार बन्ने भएको छ। नयाँ सरकार गठन गर्नेबारे नेपाली कांग्रेस र नेकपा एमाले बीच सहमति भएको हो । सोमबार मध्यरातमा कांग्रेस सभापति शेरबहादुर देउवा र एमाले अध्यक्ष केपी शर्मा ओली बीच सहमति पत्रमा हस्ताक्षर भएको छ।
संसदका दुई ठूला दल बीच भएको सहमतीले देशमा नयाँ तरंग ल्याउने आकलन समेत गरिएको छ। सहमती अनुसार पहिलो चरणमा एमाले अध्यक्ष ओलीको नेतृत्वमा सरकार गठन गर्ने सहमति भएको छ ।
सोमवार मध्यरातमा भएको सहमती अनुसार ७ वटै प्रदेशमा पनि सरकार परिवर्तन हुने छ। उक्त सहमतीमा प्रदेश नेतृत्वका लागि एमालेको भागमा कोशी, लुम्बिनी र कर्णाली र कांग्रेसलाई बागमती, गण्डकी र सुदूरपश्चिम प्रदेश सरकारको नेतृत्व गर्ने भागबण्डा भएको छ। मधेस प्रदेश सरकारको नेतृत्व भने मधेसवादी दललाई नै दिने सहमति बनेको छ शिर्ष नेतृत्वको संयुक्त छलफलमा सहभागी एक नेताले जानकारी लिएका छन।
उक्त छलफलमा निर्वाचन प्रणाली लगायतमा संविधान संशोधन गर्नका लागि पूर्वप्रधानन्यायाधीश कल्याण श्रेष्ठको नेतृत्वमा संविधान संशोधन सुझाव समिति बनाउने पनि सहमति बनेको बैठकमा सहभागी एक नेताले बताएका छन।
यसअघि कांग्रेस र एमाले नेताहरु राष्ट्रपतिको कार्यालय शीतल निवास पुगेका थिए । नयाँ सरकार बनाउने सहमतिसँगै दुई दलका नेता राष्ट्रपति रामचन्द्र पौडेललाई भेट्न शितल निवास पुगेका थिए । सहमती अनुसार दोश्रो चरणको सरकारको नेतृत्व नेपाली कांग्रेसले गर्ने छ ।

प्रकाशित मिति: मंगलबार, असार १८, २०८१ ०७:१३