लुम्बिनी प्रादेशिक अस्पताल ठेक्का प्रक्रिया यथास्थितीमा राख्न उच्च अदालतको आदेश

समाचार

गृहपृष्ठ
समाचार
लुम्बिनी प्रादेशिक अस्पताल ठेक्का प्रक्रिया यथास्थितीमा राख्न उच्च अदालतको आदेश

लुम्बिनी प्रादेशिक अस्पताल ठेक्का प्रक्रिया यथास्थितीमा राख्न उच्च अदालतको आदेश

मंगलबार, भदौ २१, २०७९ कञ्चन खवर

२१ भाद्र, बुटवल।

लुम्बिनी प्रदेश अस्पतालको नयाँ भवन निर्माणको ठेक्का प्रक्रिया यथास्थितीमा राख्न उच्च अदालतले आदेश दिएको छ। गत साउन २५ गते उच्च अदालत तुलसीपुरको बुटवल ईजलासले अल्पकालिन आदेश जारी गर्दै ठेक्का प्रक्रिया अगाडि नबढाउन आदेश दिएको थियो । आज बसेको इजलासले पनि ठेक्का प्रक्रिया यथास्थितीमा राख्न आदेश दिएको हो । निर्माण व्यवसायी बलिभद्र रानाले ठेक्का प्रक्रियामा ‘सेटिङ’ भएको हुन सक्ने भन्दै दायर गरेका थिए ।
निर्माण व्यवसायी संघका लुम्बिनी प्रदेश समितिका पूर्व अध्यक्ष समेत रहेका निर्माण व्यवसायी रानाले मुख्यमन्त्री तथा मन्त्रिपरिषद्को कार्यालयलाई विपक्षी बनाएर रिट दर्ता गराएका थिए। अदालतले भदौ १ गते पेसी तोकेर त्यसअघि दुवै पक्षलाई छलफलका लागि बोलाएको थियो ।
यसअघि नै सार्वजनिक खरिद अनुगमन कार्यालयले लुम्बिनी प्रादेशिक अस्पतालको नयाँ भवन निर्माणका लागि भएको ठेक्कामा ‘सेटिङ’ भएको भन्दै ठेक्काका मापदण्डहरु सच्याउन निर्देशन दिएको थियो। टेण्डरका सर्तहरूका आधारमा निश्चित निर्माण व्यवसायीले भवनको ठेक्का पाउने गरी अस्पतालको टेण्डर आह्वान विषयलाई सर्वत्र आलोचना भएसँगै अदालतले तत्काल प्रक्रिया अगाडि नबढाउन आदेश दिएको हो।

प्रकाशित मिति: मंगलबार, भदौ २१, २०७९ १८:५४