हृदयघात भएपछि अस्पताल भर्ना भएका राजु श्रीवास्तवको स्वास्थ्यमा केही सुधार

मनोरञ्जन

गृहपृष्ठ
मनोरञ्जन
हृदयघात भएपछि अस्पताल भर्ना भएका राजु श्रीवास्तवको स्वास्थ्यमा केही सुधार

हृदयघात भएपछि अस्पताल भर्ना भएका राजु श्रीवास्तवको स्वास्थ्यमा केही सुधार

आइतबार, साउन २९, २०७९ कञ्चन खवर

२९ श्रावण, एजेन्सी ।

भारतीय चर्चित हाँस्य कलाकार राजु श्रीवास्तव दिल्लीको एम्स अस्पतालमा भर्ना भएको तीन दिन भइसकेको छ । बुधबार बिहान हृदयघात भएपछि उनलाई अस्पताल भर्ना गरिएको थियो ।
अहिले उनको स्वास्थ्यमा केही सुधार भइरहेको छ । चिकित्सकले परिवारलाई आगामी दुई दिन सकारात्मक आशाका साथ बाँच्न सल्लाह दिएका छन् । उनको हातको औँलापछि अब काँधमा पनि केही हलचल आएको छ । यसलाई चिकित्सकहरुले राम्रो संकेतका रुपमा लिएका छन् ।
राजु श्रीवास्तवले १० वर्षमा तीन पटक एन्जियोप्लास्टी गरेका छन् । उनले १० वर्षअघि मुम्बईको कोकिलाबेन धिरुभाई अम्बानी अस्पताल र ७ वर्षअघि मुम्बईको लीलावती अस्पतालमा पहिलो पटक एन्जियोप्लास्टी गरेका थिए ।
त्यसपछि बुधबार तेस्रो पटक डाक्टरहरूले राजु श्रीवास्तवको एन्जियोप्लास्टी गरे पनि उनको मस्तिष्कले अहिले प्रतिक्रिया दिइरहेको छैन । अबको ४८ घण्टा उनको लागि निकै चुनौतीपूर्ण समय रहेको छ ।

प्रकाशित मिति: आइतबार, साउन २९, २०७९ १७:२४