हरेक कुरामा मुल्यबृद्धी भयो तर झोले नबनौं भन्नेहरु तै चुप मै चुप

समसामयिक बिचार/लेख

गृहपृष्ठ
समसामयिक बिचार/लेख
हरेक कुरामा मुल्यबृद्धी भयो तर झोले नबनौं भन्नेहरु तै चुप मै चुप

हरेक कुरामा मुल्यबृद्धी भयो तर झोले नबनौं भन्नेहरु तै चुप मै चुप

बिहीबार, जेठ १२, २०७९ कञ्चन खवर

#जगिलाल थापा
स्थानीय तहको चुनावको मत परिणाम पुरा नआउदै देशमा पेट्रोलियम पदार्थको मुल्य बढ्यो। चुनाव अघि पेट्रोलको मुल्य १ सय ७० रुपैया पुगेको थियो एक लिटरको । खाना पकाउने ग्याँसको भाउ १४.२ किलोलाई १ हजार ६ सय पुगेको थियो । यधपी खाना पकाउने ग्याँसको चरम अभाव रह्यो ।
पेट्रोलियम पदार्थको अचाक्ली मुल्य बृद्धिका बिरुद्ध कुनै नागरिक सडकमा आन्दोलित भएनन। २०६० को दशकसम्म पेट्रोल र मट्टीतेलमा प्रति लिटर १ रुपैया बढ्दा सडक नै जुरुक्क उठ्नेगरी आन्दोलन हुने गर्दथ्यो । ती आन्दोलहरुको नेतृत्व बिधार्थीहरुले गर्दथे साथ भने सबै उपभोक्ताहरुको हुन्थ्यो ।
स्थानीय तहको निर्वाचन पछि सरकारले मुल्यबृद्धि गरेर पेट्रोलको मुल्य प्रति लिटर १ सय ८० रुपैया, डिजल र मट्टि तेलको मुल्य १ सय ६३ रुपैया र खाना पकाउने ग्यांसको मुल्य १ हहजार ८ सय पुराएको छ। जव बिधालय र कलेजहरुमा बिधार्थी आन्दोलनलाई निस्तेज पारियो तव देशमा जस्तो सुकै संकट, मुल्यबृद्धि र अनियमित्ता भएपनि त्यसका बिरुद्ध कसैले आवाज उठाउने हिम्मत गरेनन। जसले पार्टीको झोले नबनौं, राम्राम व्यक्तिलाई छानौं भन्दै भोट हाल्न लगाउनेहरु आज राम्रो भनेर पठाइएकाहरुको सामन्तीबादी प्रबृतिका कारण देशमा भएको चरम मुल्यबृद्धिका बिरुद्ध तै चुप मै चुप भएर बसेका छन।
पेट्रोलिय पदार्थको चरम मुल्यबृद्धिले आम सर्बसाधरण जनताले दैनिक रुपमा उपभोग गर्ने हरेक बस्तुहरुमा समेत मुल्यबृद्धि भएको छ। सोयाबिनको खाने तेल प्रति लिटर ३ सय ५० पुगेको छ। सामाजिक सञ्जालमा देखिएको आक्रोस सडकमा नपोखिएसम्म राज्यले सुन्ने अवस्था देखिएन।
हिजो मुल्यबृद्धिका बिरुद्ध चक्काजाम, आन्दोलन र हडताल गर्दा आम नागरिकलाई दुख भयो, सास्ती भयो। त्यसको बिकल्पमा शान्तीपुर्ण आन्दोलन गर्नु पर्छ भन्ने सुझाव आउने गर्दथ्यो। आज मुलयबृद्धिका बिरुद्ध आन्दोलन त भएको छ तर सडकमा होइन,आ आफ्नो सामाजिक सञ्जालमा। सामाजिक सञ्जालमा भएको निर्मम शान्तीपुर्ण आन्दोलनलाई राज्यले पटक्कै सुनेन। मुल्यबृद्धिका बिरुद्ध आम नागरिकको बाहिर ननिस्किएको आक्रोसलाई राज्यले सहर्ष स्विकार गरेको महसुस गर्दै गयो र पेट्रोलियम पदार्थको मुल्यबृद्धिको समयलाई कम गर्दै गयो। यधपी आम नागरिकले भौतिक रुपमा कुनै बिरोध जनाएनन। फेसबुक मार्फत गरिएको बिरोध चरम शान्तीपुर्ण आन्दोलनलाई राज्यले नसुने पछि थाहा हुन्छ की अव राज्यले गर्दै आइरहेको हरेक जनबिरोधी कार्यहरुका बिरुद्ध शान्तीपुर्ण होइन चरम सशक्त आन्दोलन नै गर्नु पर्छ भन्ने स्पष्ट भएको छ।
चुनवा अघि पार्टीको झोला बोक्ने होइन व्यक्ति हेरेर राम्रोलाई भोट दिनु पर्छ भन्नेहरुले आज राम्रा भनिएका जनप्रतिनीधिहरुबाट भएको जनबिरोधी कार्यहरुका बिरुद्ध किन तै चुप मै चुप भएका छनरु पार्टीको बिचार र सिद्धान्त गलत छ भने राम्रो भनिएको व्यक्ति पनि पार्टीको राजनैतिक बिचार र कार्यप्रति प्रतिबद्ध हुन्छ भन्ने कुरा पनि बिस्तारै प्रमाणित हुदै छ। व्यक्ति गलत हुन सक्छ तर पार्टीको नीति, सिद्धान्त, बिचार र कार्यक्रम बहुमत जनतामा आधारित हुन्छ भने चुनावमा प्रतिबद्धता गरेको घोषणापत्र अनुसार काम गर्छन। सदैव जनपक्षिय भएर उभिन्छन।
तर आज नेपाल मजदुर किसान पार्टी लगायत केही साना भनिएका दलहरुले मात्र आम जनताको पक्षमा निरन्तर संघर्ष गर्दै आइरहेका छन। यस भन्दा अघि गरिएको मुल्लयबृद्धिका बिरुद्ध पनि नेमकिपाले सडक आन्दोलन गर्यो। फेरी स्थानीय तहको चुनाव पछि गठबन्धन सरकारले गरेको चरम मुल्यबृद्धिका बिरुद्ध पनि नेमकिपाका नेता कार्यकर्ताहरु संघर्षरत छन। जनताको पक्षमा गरिएको आन्दोलनको इतिहासमा निरन्तर वकालत गर्दै सडक र सदन मार्फत संघर्ष गर्दै आइरहेको एकमात्र नेपाल मजदुर किसान पार्टी र उसको भातृसंगठन हो भन्ने कुरा प्रमाािण्त हुदै आएको छ। अन्य दलहरुले हरेक आन्दोलनहरुलाई पद पैसा र व्यक्तिगत अवसरमा टुंगयाएर जनतालाई पटक पटक धोका दिदै आइरहेका छन।
नेपाली कांग्रेस, नेकपा एमाले, नेकपा माओवादी केन्द्र, जनता समाजवादी पार्टी लगायत सबै शासक दलहरु जति पटक सरकारमा गए त्यति नै जनबिरोधी कार्य गर्दै आएका छन। उनिहरुको नाम मात्र फरक हो ।उनिहरुले गर्ने काम र देखाउने व्यबहार एकै किसिमको हुने गरेकोले आफुलाई कम्युनिष्ट भन्ने नेकपा एमाले र नेकपा माओवादी केन्द्र समेत भाई कांग्रेस भनिएको हो । ती दलहरुले पालैपालो शासन गर्दै आए । हरेक पटकको सत्तारोहण पछि जनबिरोधी कार्यहरु गर्दै आए। नेपाली कांग्रेस सत्तामा रहदा गर्ने हरेक जनबिरोधी कार्यहरु बिरुद्ध नेकपा एमाले र नेकपा माओवादी केन्द्रले कुनै आन्दोलन गर्दैन। अनि नेकपा एमाले र नेकपा माओवादी केन्द्र सत्ता रोहण पछि गर्ने जनबिरोधी कार्यहरुका बिरुद्ध नेपाली कांग्रेसजनहरुले कुनै आन्दोलन गर्ला भन्नु र धर्तीमा आकाश खस्छ भन्नु उस्तै उस्तै हो ।
आम जततालाई चुनवा पछि पछुताउनु भन्दा चुनाव अघि आफ्नो अमुल्य मत प्रकट गर्दा भ्रष्ट, झुठको खेती गर्ने,बिदेशी दलाल र जनबिरोधी दल र नेताहरुका बिरुद्ध भोट हाल्न आग्रह गर्दै आयौं। तर जित्नेलाई मत दिंदा चुनाव पछि पछुताउनु परेको बर्षौं देखिको बिवसतालाई तपाइ हामीले तोड्ने हिम्मत नगर्दा सम्म जनता प्रतिनीधिहरुले कहिलै जित्ने छैनन।

प्रकाशित मिति: बिहीबार, जेठ १२, २०७९ ०६:४२