तराइमा रंगहरुको पर्व होली हर्षोल्लासका साथ मनाए

समाचार

गृहपृष्ठ
समाचार
तराइमा रंगहरुको पर्व होली हर्षोल्लासका साथ मनाए

तराइमा रंगहरुको पर्व होली हर्षोल्लासका साथ मनाए

शुक्रबार, चैत ४, २०७८ कञ्चन खवर

४ चैत्र, कञ्चन
रंगहरुको पर्व होली अर्थात् फागु पर्व आज तराईमा हर्षोल्लासका साथ मनाइएको छ। पहाडी क्षेत्रमा होली मनाएको भोलिपल्ट तराईका जिल्लामा होली मनाउने चलन रहँदै आएको छ । पहाडी जिल्लामा फागुन शुक्ल पूर्णिमाका दिन होली मनाउने र अष्टमीका दिन गाडिएको चिर ढलाई दहन गरेपछि होली पर्व सम्पन्न गरिने प्रचलन रहेको छ।
तराईका जिल्लामा आज दिनभर रंग अवीर दलेर, शुभकामना साटासाट गरी विभिन्न गीत गाउँदै होली पर्व मनाउने गरिन्छ। असत्यमाथि सत्यको विजयको हार्षोल्लासका रूपमा पनि होली मनाइन्छ। रंगहरुको पर्व होलीको अवसर पारेर बिभिन्न संघसंस्थाहरुले होली मिलन कार्यक्रमको समेत आयोजना गरी आपसी मित्रभाव प्रकट समेत गरेका छ।
फागु पूर्णिमामा तराईमा बेग्लै रौनक हुन्छ। एउटै उमेर समूहका युवायुवती जम्मा भएर हर्षोल्लासपूर्ण रूपमा होली मनाउने गर्दछन। होली पर्वका अवसरमा विभिन्न रंग दल्ने परम्परा रहे पनि पछिल्लो समय विभिन्न खालका इनामेल, पेन्टहरुले अनुहार, कपाल र शरीर रंगाउने गरिएको छ। त्यस्ता, इनामेल पेन्टहरु स्वास्थ्यका लागि हानिकारक हुने भएकाले सचेत भई रंग खेल्न चिकित्सकले आग्रह गरेका छन्।

प्रकाशित मिति: शुक्रबार, चैत ४, २०७८ १८:३३