प्रथम शहिद लखन थापा मगरको स्मृतिमा एक दिन सार्वजनिक बिदाको माग

राजनीति

गृहपृष्ठ
राजनीति
प्रथम शहिद लखन थापा मगरको स्मृतिमा एक दिन सार्वजनिक बिदाको माग

प्रथम शहिद लखन थापा मगरको स्मृतिमा एक दिन सार्वजनिक बिदाको माग

मंगलबार, फागुन ३, २०७८ कञ्चन खवर

३ फागुन,बुटवल
राष्ट्रिय जनमुक्ति पार्टीले नेपालका प्रथम शहीद लखन थापाको सम्मानमा कम्तिमा एक दिन राष्ट्रिय विदा दिन माग गर्दै प्रेस बिज्ञप्ती जारी गरेको छ।
शहीद लखन थापा मगरको १४५औं स्मृति दिवसको अवसरमा सोमबार राष्ट्रिय जनमुक्ति पार्टीका महासचिब टोप अश्लामीले एक प्रेस विज्ञप्ति जारी गर्दै नेपाल सरकारले लखन थापा मगरलाई २०७२ साल असोज ३ गतेका दिन नेपालको प्रथम शहीदको मान्यता समेत दिईसकेको स्मरणमा उनको सम्मानमा कम्तिमा एक दिन राष्ट्रिय विदा दिन माग गरेको हो ।
‘क्रुर एवं निरंकुश जहाँनिया राणा शासनको अन्त्यका लागि र नेपाली समाजको विविधता अनुसारको शासन प्रणाली स्थापनाका लागि आफ्नै नेतृत्वमा अभ्यास समेत गर्नु भएका श्रद्धेय लखन थापा मगरलाई नेपाल सरकारले २०७२ साल असोज ३ गतेका दिन नेपालको प्रथम शहीदको मान्यता समेत दिईसकेको बिज्ञप्तीमा उल्लेख छ ।राष्ट्रिय जनमुक्ती पार्टीका केन्द्रिय महासचिव टोप अस्लामीद्वारा जारी बिज्ञप्तीमा देशको प्रथम शहीदलाई आम जनतामा चिनाउने बारेमा र आम जनताको पक्षमा न्याय र समानता स्थापना गर्नका लागि उहाँले गर्नु भएको संघर्षका प्रयासहरु साथै बलीदानीको जानकारी गराउने सन्दर्भमा राज्यले उदासिनता देखाईरहेको सन्दर्भमा देशको प्रथम शहीद प्रति राज्यको हदैसम्मको उदासिनता प्रति खेद प्रकट गरिएको छ।
जनता र देशको उचित राज्य व्यवस्था, जनताको न्याय–समानता एवं मुक्तिका लागि लड्नु भएका प्रथम शहीदलाई अमर बनाईराख्नु हरेक नेपालीको कर्तव्य हो भन्दै विज्ञप्तिमा नेपालका प्रथम शहीद लखन थापा मगरलाई राज्यले राष्ट्रिय विभूति घोषणा गर्नुका साथै जयसिं चुमी मगर लगायतका सात जना समकालिन शहीद एवं महान सपुतहरुलाई पनि राज्यले शहीद घोषणा गरी उचित सम्मान दिन समेत बिज्ञप्तीमा माग गरिएको छ।
साथै बिज्ञप्तीमा ती शहिखहरुको घर परिवारमा समेत राज्यको ध्यान पुग्नु पर्ने जनाउदै विज्ञप्तिमा विद्यालय, क्याम्पस या विश्वविद्यालयका पाठ्यक्रममा प्रथम शहीदका बारेमा पठनपाठन हुनेगरी पाठ्यक्रम निर्माण गर्न समेत माग समेत गरिएको छ ।

प्रकाशित मिति: मंगलबार, फागुन ३, २०७८ ०८:२८