मंसिर १२,कञ्चन ।
एजेन्सी – युवा ब्याटर श्रेयस ऐर र स्पिनर अक्षर पटेलको उत्कृष्ट प्रदर्शनमा भारतले पहिलो टेस्ट खेलमा न्युजिल्यान्डलाई २ सय ८४ रनको बलियो लक्ष्य दिएको छ । जवाफी ब्याटिङ थालेको न्युजिल्यान्डले ४ ओभरमा ४–१ अवस्थामा चौथो दिन समाप्त भएको छ । टम लाथम २ रनमा क्रिजमा छन् । विल योंग २ रनमा आउट भइन् ।
अन्तिम दिन न्युजिल्यान्डलाई जितको लागि २ सय ८० रन बनाउनु पर्ने हुन्छ भने हातमा ९ विकेट छ । भारतले दोस्रो इनिङमा ८१ ओभरमा २३४–७ को अवस्थामा इनिङ समाप्तिको घोषणा गरेको थियो । पहिलो इनिङमा ४९ रनको अग्रता लिएको भारतले समग्रमा २ सय ८३ रनको अग्रता लिएको थियो । भारतका श्रेयस ऐरले १ सय २५ बलमा ८ चौका र १ छक्का सहित सर्वाधिक ६५ रन बनाए ।
विकेटकिपर ऋद्धिमान शाह १ सय २६ बलमा ४ चौका र १ छक्का सहित ६१ रनमा अविजित रहे । अक्षर पटेल २८ रनमा अविजित रहे । दोस्रो इनिङमा भारतको सुरुवात भने खराब थियो । एक समय ५१(५ को अवस्थामा पुगेको भारतलाई तल्लोक्रमका ब्याटरले सम्हाल्लेका थिए । मयंक अग्रवाल १७, सुभमन गिल १, चेतेश्वर पुजारा २२ र अजिक्या रहाणे ४ रनमा आउट भए । रविचन्द्रन आश्विन ६२ बलमा ५ चौका सहित ३२ रनमा आउट भए ।
न्युजिल्यान्डका टिम साउथी र काइल जेमिसनले ३–३ विकेट लिए । पहिलो इनिङमा न्युजिल्यान्ड १४२.३ ओभरमा २ सय ९६ रनमा अल आउट भयो । न्युजिल्यान्डका ओपनर टम लाथमले २ सय ८२ बलमा १० चौका प्रहार गर्दै सर्वाधिक ९५ रन बनाए । विल योंग २ सय १४ बलमा १५ चौका सहित ८९ रनमा आउट भए । न्युजिल्यान्डलाई ओपनर टम लाथम र विल योंगले ६६.१ ओभरमा १ सय ५१ रनको उत्कृष्ट शतकीय साझेदारीका साथ उत्कृष्ट सुरुवात दिलाएका थिए ।
तर यी दुई ब्याटर बाहेक अन्य चल्न नसक्दा अग्रता लिनबाट चुकेको थियो । कप्तान केन विलियम्सन १८, रस टेलर ११, हेनरी निकोल्स २ र रचिन रविन्द्र १३ रनमा आउट भए । जेमिसनले २३ रन बनाएका थिए । भारतका स्पिनर अक्षर पटेलले सर्वाधिक ५ विकेट लिए । रविचन्द्रन आश्विनले ३ विकेट लिए ।
भारत पहिलो इनिङमा १११.१ ओभरमा ३ सय ४५ रनमा अल आउट भएको थियो। भारतका श्रेयस ऐरले टेस्ट डेब्यूमै १ सय ७१ बलमा १३ चौका र २ छक्का सहित १ सय ५ रनको शतकीय इनिङ्स खेले । रविन्द्र जडेजा १ सय १२ बलमा ६ चौका सहित ५० रनमा बोल्ड आउट गरे ।
तल्लोक्रमका रविचन्द्रन आश्विनले ५६ बलमा ५ चौका सहित ३८ रन जोडेका थिए । कानपुरमा टस जितेर पहिला ब्याटिङ थालेको भारतलाई जडेजा र ऐरले२ सय २६ बलमा १ सय २१ रनको साझेदारी गरे । ओपनर मयंक अग्रवाललाई १३ रनमा गुमाएपनि सुभमन गिल र चेतेश्वर पुजाराले सम्हाल्लेका थिए ।
दोस्रो विकेटका लागि पुजारा र गिलले १ सय ३३ बलमा ६१ रनको साझेदारी गरेका थिए । गिललाई तीव्र गतिका बलर काइल जेमिसनले ५२ रनमा बोल्ड आउट गरे । ९३ बल खेलेका गिलले ५ चौका र १ छक्का प्रहार गरे । टिम साउथीको बलमा क्याच आउट हुनुअघि पुजाराले ८८ बलमा २ चौका सहित २६ रन जोडे ।
जेमिसनले कप्तान अजिंक्या रहाणेलाई ३५ रनमा बोल्ड आउट गरेका थिए । ६३ बलमा रहाणेले ६ चौका प्रहार गरे । न्युजिल्यान्डका टिम साउथीले सर्वाधिक ५ विकेट लिए । काइल जेमिसनले ३ , स्पिनर अजाज पटेलले २ र टिम साउथीले १ विकेट लिए ।
-1730900112.jpg)
