कात्तिक ११,कञ्चन ।
एजेन्सी – आइसिसी टि२० विश्वकप सुपर १२ अन्तर्गत समूह ए को खेलमा अष्ट्रेलियाले श्रीलंकाविरुद्ध पहिला फिल्डिङ गर्ने भएको छ । दुबई इन्टरनेशल क्रिकेट स्टेडियममा अष्ट्रेलिया कप्तान आरोन फिन्चले टस जितेर पहिला फिल्डिङ गर्ने निर्णय लिएका हुन् ।
अष्ट्रेलियाले आजको खेलमा टोलीमा कुनै परिवर्तन गरेको छैन । श्रीलंकाले टोलीमा एक परिवर्तन गरेको छ । तीव्र गतिका बलर बिनुरा फर्नान्डोको स्थानमा स्पिनर महेश थेक्शानालाई मौका दिएको छ ।
सुपर १२ मा दुबै टोली लगातार दोस्रो जितको सोचमा छन् । श्रीलंका समूह ए को विजेता रुपमा सुपर १२ मा स्थान बनाएको हो । श्रीलंका पहिलो चरणमा तीन खेलमा तीनमानै जितका साथ समूह विजेता बनेको थियो । सुपर १२ को पहिलो खेलमा बंगलादेशलाई ५ विकेटले पराजित गरेको थियो । अष्ट्रेलियाले पहिलो खेलमा दक्षिण अफ्रिकालाई ५ विकेटलेनै पराजित गरेको थियो ।
यता श्रीलंका अष्ट्रेलियालाई स्तब्ध पार्ने सोचमा छ । श्रीलंकाले विश्वकपमा सानदार प्रदर्शन गर्दै आएको छ । पहिलो चरणमा नामिबियालाई ७ विकेट, आयरल्यान्डलाई ७० रन र नेदरल्यान्ड्सलाई ८ विकेटले पराजित गरेको थियो ।
अष्ट्रेलिया प्लेइङ ११ :
आरोन फिन्च (कप्तान), प्याट कमिन्स, जोश हेजलवुड, मिचेल मार्श, ग्लेन म्याक्सवेल, स्टिभ स्मिथ, मिचेल स्टार्क, मार्कस स्टोइनिस, म्याथ्यु वेड, डेविड वार्नर र एडम जाम्पा ।
श्रीलंका प्लेइङ ११ :
दासुन शनका (कप्तान) कुसल पेरेरा, अविष्का फनान्डो, भानुका राजपक्षे, चरिथ असालंका, वानिन्दु हसरंगा,महेश थेक्शाना , चामिका करुणारत्ने, लाहिरु कुमारा, दुश्मन्था चामिरा, पाथुम निसंका ।
हेड टु हेड :
यी दुई देशबीच कुल १६ टि२० आई खेल भएका छन् । जसमा दुबै टोलीले ८–८ मा जित निकालेका छन् । पछिल्ला चार खेलमा अष्ट्रेलियाले लगातार जित निकालेको छ । श्रीलंकाले २०१७ मा अष्ट्रेलियालाई अन्तिम पटक २ विकेटले पराजित गरेको थियो । चार वर्षको अन्तरमा श्रीलंका टोलीको स्तरमा धेरै परिवर्त आएको छ । अहिले पहिला भन्दा बढी खस्केको छ ।
टि२० विश्वकपमा यी दुई देशबीच कुल ३ खेल भएका छन् । जसमा अष्ट्रेलिया २ खेलमा जित र १ खेलमा पराजित भएको छ । पछिल्लो पटक २०१० को विश्वकपमा प्रतिस्पर्धा गरेका थिए । उक्त विश्वकपमा अष्ट्रेलिया ८१ रनले विजयी भएको थियो । २००९ मा श्रीलंकाले ६ विकेटले हराएको थियो । २००७ मा अष्ट्रेलियाले १० विकेटले श्रीलंकालाई पराजित गरेको थियो ।
-1730900112.jpg)
