असोज २५,कञ्चन ।
एजेन्सी – ब्राजिली स्टार नेयमारले अर्काे वर्ष कतारमा आयोजना हुने फिफा विश्वकप आफ्नो अन्तिम विश्वकप हुने बताएका छन् । उनले अब आफुमा फुटबल खेल्न शारीरिक भन्दा पनि मानसिक क्षमता सायद नरहेको बताएका छन् ।
नेयमारले ब्राजिलका लागि दुईपटक विश्वकप खेलेपनि उपाधि जिताउन सकेका छैनन् । सन् २०१४ मा घरेलु भुमिमा आयोजना भएको विश्वकपमा ब्राजिल सेमिफाइनलमा जर्मनीसँग ७–१ को लज्जास्पद हार बेहोरेको थियो । नेयमारले क्वाटरफाइनलमा चोट बोक्दै लामो समय मैदान बाहिर रहेका थिए ।
२०१८ को विश्वकपमा पनि ब्राजिल बेल्जियमसँग २–१ ले पराजित हुदै क्वाटरफाइनलबाट बाहिरिएको थियो । विश्वकप आउन एक वर्ष बाँकी रहँदा २९ वर्षीय नेयमारले अमेरिका, क्यानडा र मेक्सिकोमा सन् २०२६ मा आयोजना हुने विश्वकप खेल्नेमा आशावादी छैनन् ।
‘मलाई लाग्छ कि यो मेरो अन्तिम विश्वकप हो,’ फ्रान्सेली क्लब पेरिस सेन्ट जर्मेन (पीएसजी) का फरवार्ड नेयमारले डीएजेडएनसँगको अन्तर्वार्तामा भने, ‘यही विश्वकप मेरो अन्तिम विश्वकपको रुपमा देख्छु । किनकि मलाई थाहा छैन कि मसँग फुटबलसँग डिल गर्ने क्षमता छ कि छैन ।’
यसै कारण पनि आफ्नो सबैभन्दा ठुलो सपना (ब्राजिलबाट विश्वकप जित्ने) सपना पुरा गर्न आफु तयार रहेको बताएका छन् । सन् २०१४ को विश्वकप नै आफ्नो अन्तिम विश्वकप जस्तै लागेको थियो । तर मैले पूनरागमन गर्न सके । यो मेरो करियरको सबैभन्दा खराव क्षण मध्येको एक क्षण हो ।
‘यसले मेरो विश्वकपको सेमिफाइनल र फाइनल खेल्ने सपना टुटायो । त्यतिबेला मैलो मेरो खुट्टा सार्न सकिनँ,’ विशेष वृत्तचित्र, नेयमार एण्ड द लाइन अफ किंग्ससँग नेयमारले २०१४ को घटना सम्झँदै नेयमारले भने, ‘उनीहरुले मलाई अस्पताल लगे, मेरो जाँच गरे र डाक्टरले मलाई भने, दुई वटा खवर छ । एउटा राम्रो र एउटा नराम्रो । तपाई कुन चाहनुहुन्छ ? मैले भने मलाई नराम्रो दिनुहोस् । तपाई विश्वकपबाट बाहिर हुनुहुन्छ । रोएर मैले पुनः सोधे शुभ समाचार के हो ? यदि यो दुई सेन्टीमिटर छेउमा भएको भए, तपाई फेरि हिँड्न सक्नुहुन्न थियो ।’
-1730900112.jpg)
