भदौ २७,कञ्चन ।
नेपाली महिला राष्ट्रिय फुटबल टोली र बंगलादेशले दोस्रो अन्तर्राष्ट्रिय मैत्रीपुर्ण खेलमा बराबरी खेलेका छन् । त्रिपुरेश्वरस्थित दशरथ रंगशालामा आइतबार भएको खेल गोलरहित बराबरीमा सकिएको हो ।
बिहीबार भएको पहिलो मैत्रीपुर्ण खेलमा नेपालले २–१ को जित निकालेको थियो । डेब्यु खेलमै सविता रानामगर र प्रीति राईको नेपालको लागि गोल गरेकी थिइन् । नेपालले बंगलादेशसँग दोस्रोपटक बराबरी खेलेको थियो । दुवै टोलीले केही आक्रमणको प्रयास गरेपनि सफलता हात पार्न सकेनन् ।
प्रतिस्पर्धात्मक बनेको खेलको छैटौ मिनेटमा गोलरक्षक अन्जना रानामगरको गल्तीमा श्रीमोती सरकारले बल खोस्दै गरेको क्रसमा पेनाल्टी बक्समा मोस्सामत सोप्नाले सुवर्ण अवसर पाएपनि प्रहार गर्न ढिला गर्दा आँफैले फल गर्न पुगिन् । नवौं मिनेटमा अमृता जैशीको भली प्रहारलाई बंगलादेशकी गोलरक्षक रुप्ना चक्माले दोस्रो प्रयासमा नियन्त्रणमा लिइन् ।
लगत्तै १०औं मिनेटमा सरु लिम्बुको प्रहारलाई गोलरक्षक चक्माले पञ्च गर्दै चाउँदा नेपाल अग्रता लिनबाट चुक्यो । २०औं मिनेटमा रश्मी कुमारी घिसिङको पासमा सरु लिम्बुले पेनाल्टी बक्स नजिकै अवसर पाएपनि मसुरा परभिनले क्लियर गरिदिइन् । ३०औं मिनेटमा श्रीमोती सरकारको पेनाल्टी सरकारको प्रहार क्रसबारमा लागेर बाहिररिदा नेपालको संकट ट¥यो ।
६७औं मिनेटमा बंगलादेशकी कप्तान सविना खातुनको फ्रिकिकलाई नेपाली गोरलक्षक अन्जना रानामगरले सहजै नियन्त्रणमा लिइन् । मुख्य प्रशिक्षक ग्यारी फिलिप्सले दोस्रो मैत्रीपुर्ण खेलमा तीन खेलाडी परिवर्तन गरेको थियो । फरवार्ड रश्मी कुमारी घिसिङ, मिडफिल्डर अनिता बस्नेत र गोलरक्षक अन्जना रानामगरले पहिलो रोजाईमा मौका पाएकी थिइन् ।
६६औं मिनेटमा रश्मी कुमारी घिसिङको स्थानमा सविता रानामगर र अनिता बस्नेतको स्थानमा अनिता केसीलाई मैदानमा पठाएपनि नेपालले बंगलादेशको पोस्टमा गतिलो आक्रमण बुन्न सकेन । सिनियर अन्तर्राष्ट्रिय फुटबलमा नेपालले अहिलेसम्म बंगलादेशसँग हार बेहोरेको छैन । यो नतिजासँगै हालसम्म खेलेका ८ खेलमा नेपालले ६ जित र २ बराबरी खेलेको छ ।
उज्वेकिस्तानमा आयोजना हुने एएफसी कप २०२२ छनोटअघि नेपाल र बंगलादेशसँग मैत्रीपुर्ण खेल खेलेको हो । नेपाली महिला टोलीले सन् २०२२ मा भारतमा हुने एसियन कपको छनोटका लागि उज्वेकिस्तानमा १८ सेप्टेम्वरमा फिलिपिन्स र २१ सेप्टेम्बरमा हङकङसँग प्रतिस्पर्धा गर्दैछ ।
-1730900112.jpg)
