भदौ २२,कञ्चन ।
एजेन्सी – बाज्रिलियन सुपर स्टार नेयमार बार्सिलोनाबाट पेरिस सेन्ट जर्मेन (पिएसजी) गएको चार वर्ष भइसकेको छ । उनी विश्व कीर्तिमान रकममा पिएसजी पुगेका थिए । अहिले उनले पहिलो वर्ष कति आम्दानी गरे भन्ने विषयको चर्चा हुने गरेको छ ।
नेयमारले पहिलो सिजन पिएसजीबाट ४ सय मिलियन युरो आम्दानी गरेको बताइएको छ । स्पेनबाट उनी फ्रान्स पुगेपछि त्यो विश्वव्यापी रुपमा पनि ठूलो प्रभाव पारेको थियो । पिएसजीले नेयमारका लागि गरेको लगानीबाट त्यतिकै कमाई गरेको पनि बताइन्छ ।
‘हामीले नेयमारका लागि लगानी गरेको भन्दा बढी कमायौं’, नेयमारसँग सम्झौता गरेको दिन पिएसजीका अध्यक्ष नासिर अल खलिफाले भनेका थिए । नेयमारले लगाउने जर्सी सार्वजनिक गरेको दुई घन्टामा क्लबको आधिकारिक पसलबाट ५ लाख मिलियन युरोको जर्सी विक्री भएको थियो ।
नेयमारलाई सार्वजनिक गरेपछि नै पिएसजीले इटालियन ब्रान्ड रिप्ले वा नाइकको प्रस्ताव पाएको थियो । उनको आगमन पछि सामाजिक सञ्जालमा पनि क्लबको चर्चा चुलिएको थियो । नेयमार पिएसजीमा आबद्ध भएको पहिलो सिजन फ्रान्समा २५ प्रतिशत दर्शकहरु बढेका थिए । त्यस्तै डिस्ने च्यानलले लिग वानका खेल ब्राजिलमा प्रसारण सुरु गरेको थियो ।
‘नेयमारको आगमनले पिएसजी र फ्रान्सेली लिगले अर्को आयम लिएको छ’, लिग वानका इन्टरनेसनल डेभलप्मेन्टका निर्देशक योना गोडिनले भने, ‘नेयमारको पहिलो खेल फुटबल इतिहासमा सर्वाधिक हेरिएको खेलमध्ये एक हो ।’ उनको आगमनले पिएसजी विश्वको सर्वाधिक नाफा कमाउने क्लब मध्ये दोस्रो बनेको छ । त्यस्तो टोली विश्व फुटबलको पाँच शक्तिशाली क्लबमा पर्दछ ।
नेयमार नभएको भए मेस्सी पिएसजीमा हुन्थेनन्
अर्जेन्टिनी कप्तान लिओनल मेस्सी र नेयमार मिल्ने साथी हुन् । उनीहरुले बार्सिलोनामासँगै चार वर्ष खेलेका थिए । यदि नेयमार पिएसजीमा थिएनन् भने मेस्सी पनि त्यहाँ जाने सम्भावना नहुने चर्चा हुने गरेको छ ।
-1730900112.jpg)
