गौतमबुद्ध सामुदायिक बिकास केन्द्रको दोश्रो अधिबेशन, अध्यक्षमा कमल परियार

समाचार

गृहपृष्ठ
समाचार
गौतमबुद्ध सामुदायिक बिकास केन्द्रको दोश्रो अधिबेशन, अध्यक्षमा कमल परियार

गौतमबुद्ध सामुदायिक बिकास केन्द्रको दोश्रो अधिबेशन, अध्यक्षमा कमल परियार

शनिबार, साउन २३, २०८३ कञ्चन खवर

२३ साउन, कञ्चन
रुपन्देहीको कञ्चनमा खेलकुद तथा सामाजिक बिकास कार्यमा फरक पहिचान कायम गर्न सफल गौतमबुद्ध सामुदायिक बिकास केन्द्र, कञ्चन ५ पिपरीचापा रुपन्देहीको दोश्रो अधिबेशन सम्पन्न भएको छ। अधिेबेशनले कमल परियारको अध्यक्षतामा ११ सदस्यीय नयाँ कार्य समिति निर्वाचित गरेको छ।
अधिबेशनबाट उपाध्यक्ष रोशन पुन, सचिवमा उजेली विश्वकर्मा, सहसचिवमा सृजना सुस्लिङ्ग र कोषाध्क्षमा चाहना थापा निर्वाचित हुनुभएको छ भने सदस्यहरुमा उषा थापा, रुपी थापा, टेक बहादुर राना, जीवन पुन, विसन दगामी र दिल कुमारी पुलामी निर्वाचित हुनुभएको निर्वाचन समितिका संयोजक कृष्ण बहादुर रानाले जानकारी दिनु भएको छ।
कार्यक्रममा निर्वाचित पदाधिकारीहरुलाई शुभकामना व्यक्त गर्दै ज्ञानोदय आधारभूत विद्यालय, कञ्चन ५ पिपरीचापाका प्रधानाध्यापक रेनुका थापाले विगतका राम्रा कामलाई निरन्तरता दिँदै अझ प्रभावकारी र रचनात्मक कार्यक्रम अघि बढाउने विश्वास लिनु भएको छ। विशेषगरी बालबालिका तथा युवालाई खेलकुद र सामाजिक गतिविधिमा जोड्दै उनीहरूको प्रतिभा र नेतृत्व क्षमता विकास गर्न संस्थाले महत्वपूर्ण भूमिका खेल्नमा अझ प्रभावकारी रुपमा अगाडी बढाउन प्रधानाध्यापक थापाले सुझाव समेत व्यक्त गर्नु भएको थियो।
प्रधानाध्यापक थापाले केन्द्रले विशेषगरी युवालाई अनुशासन, खेलकुद, सामाजिक सेवा र सकारात्मक सोचतर्फ प्रेरित गर्न नेतृत्वदायी भूमिका खेलोस् भन्ने अपेक्षा गर्नु भएको थियो।
यस्तै भूपु सैनिक संघ, कञ्चन ५ पिपरीचापाका अध्यक्ष मिनबहादुर पुनले गौतमबुद्ध सामुदायिक विकास केन्द्रको दोस्रो अधिवेशनबाट कमल परियारको नेतृत्वमा नयाँ कार्यसमिति चयन भएकोमा सम्पूर्ण पदाधिकारी तथा सदस्यहरूलाई हार्दिक बधाई तथा शुभकामना व्यक्त गर्नु भएको थियो।
सामुदायिक संस्था भनेको समाजलाई एकताबद्ध गर्दै सामाजिक परिवर्तनका लागि काम गर्ने महत्वपूर्ण माध्यम भएको उल्लेख गर्दै यस संस्थाले खेलकुद तथा सामाजिक क्षेत्रमा गर्दै आएको योगदान निकै प्रशंसनीय पुनले बताउनु भएको थियो। आगामी दिनमा अब नयाँ नेतृत्वले संस्थालाई अझ व्यवस्थित, पारदर्शी र सक्रिय बनाउँदै समुदायको आवश्यकता र युवाको चाहना अनुसार कार्यक्रम सञ्चालन गर्दै जानुपर्नेमा अध्यक्ष पुनले सुझाव व्यक्त गर्नु थियो।
गौतमबुद्ध सामुदायिक विकास केन्द्रको दोस्रो अधिवेशनबाट निर्वाचित अध्ययक्ष कमल परियारले आफुलाई अध्यक्षको जिम्मेवारी प्रदान गरेकोमा सम्पूर्ण सदस्य तथा शुभेच्छुकहरूप्रति हार्दिक आभार व्यक्त गर्दै यो जिम्मेवारी सबैको सहकार्य, समन्वय र सहयोगमा पुरा गर्ने प्रतिवद्धता व्यक्त गर्नु भएको थियो।
नवनिर्वाचित अध्यक्ष परियारले संस्थाले विगतमा खेलकुद तथा सामाजिक विकासका क्षेत्रमा गर्दै आएको कामलाई अझ व्यवस्थित र प्रभावकारी बनाउँदै आगामी दिनमा नयाँ कार्यक्रमहरू सञ्चालन गर्ने संस्थाको लक्ष्यलाई संस्थागत बनाइने प्रतिवद्धता जनाउनु भएको थियो। यसैगरी अध्यक्ष परियारले विशेषगरी युवाको क्षमता र प्रतिभा विकास, खेलकुदको प्रवर्द्धन, सामाजिक सेवाका कार्यक्रम तथा समुदायमा आपसी एकता र सहकार्य बढाउने विषयलाई प्राथमिकतामा राखिने प्रतिवद्धता जनाउदै र संस्था कुनै एक व्यक्तिको प्रयासले मात्र सफल नहुने र त्यसका लागि सबैको एकता, सहकार्य, समन्वय र सहयोग आवश्यक हुने बताउनु भएको थियो।
कमल परियारको अध्यक्षता, घनि थापाको स्वागत तथा उजेली विश्वकर्माको सञ्चालनमा सम्पन्न भएको कार्यक्रममा आर्थिक रुपमा विपन्न तथा जेहेन्दार १० जना विद्यार्थीहरुलाई शैक्षिक सामग्री समेत प्रदान गरिएको केन्द्रका सचिव हिरालाल विश्वकर्माले जानकारी दिनु भएको थियो।

प्रकाशित मिति: शनिबार, साउन २३, २०८३ ०७:२७

प्रतिक्रिया दिनुहोस्