भैरमघाट बालाचतुर्दशी मेलाको अवसरमा भोलीदेखि फुटवल प्रतियोगिता शुरु

खेलकुद

गृहपृष्ठ
खेलकुद
भैरमघाट बालाचतुर्दशी मेलाको अवसरमा भोलीदेखि फुटवल प्रतियोगिता शुरु

भैरमघाट बालाचतुर्दशी मेलाको अवसरमा भोलीदेखि फुटवल प्रतियोगिता शुरु

मंगलबार, कात्तिक २६, २०८२ कञ्चन खवर

२५ कार्तिक, कञ्चन
रुपन्देहीको कञ्चनमा हरेक बर्ष लाग्दै आइरहेको बालाचतुर्दशी मेलाको अवसरमा खुल्ला पुरुष फुटवल प्रतियोगिता सञ्चालन हुने भएको छ। ऐतिहासिक बालाचतुर्दशी मेला व्यबस्थापन समिति, कञ्चन ४, अस्नैया रुपन्देहीको आयोजनामा प्रतियोगिताका लागि समूह दर्ता गर्ने आज अन्तिम समय रहेको छ।
नगद ५० हजार रुपैया पुरस्कार राशी भएको उक्त प्रतियोगितामा स्थानीय क्लव, संघ संस्था तथा फुटवल क्लवहरुले सहभागिता जनाउने खेल संयोजक टार्जन थापाले जानकारी दिनु भएको छ। यस्तै प्रतियोगिताको उपविजेता टिमले नगद २५ हजार रुपैया सहित कप र मेडल पाउने छन।
यसैगरी प्रतियोगिता अवधिभर उत्कृष्ट खेल प्रदर्शन गर्ने उत्कृष्ट गोल रक्षक, उत्कृष्ट डिफेण्डर, सर्वाधिक गोलकर्ता र उत्कृष्ट खेलाडीलाई समेत पुरस्कार प्रदान गरिने आयोजकले जनाएको छ। मंसिर ३ गते सम्म हुने उक्त फुटवल प्रतियोगिता कञ्चन ४ अस्नैया स्थित भैरमघाट खेल मैदानमा सञ्चालन हुने छ।