१० भदौ, कञ्चन
रुपन्देहीको कञ्चनमा सञ्चालन भएको दोश्रो गौतमबुद्ध कप नाइन ए साइड फुटवल प्रतियोगिता २०८२ को उपाधी कञ्चन ३ को रेन्वो एकेडेमीले चुमेको छ। गौतमुद्ध सामुदायिक बिकास केन्द्र, कञ्चन ५ पिपचरीचापा रुपन्देहीको आयोजना भएको प्रतियोगितामा उपाधी चुमेसंगै रेन्वो एकेडेमीले १ लाख ११ हजार १११ रुपैया सहित कप र मेडल हात परेको छ।
रेन्वो एकेडेमीले विश्वशान्तिलाई ४-० गोल अन्तरले पराजित गरि उपाधी हात पारेको हो। विश्वशान्तिका लागि सूरज थारु र मिलन आलेले २-२ गोल गरेको थिए। उक्त खेलमा रेन्वो एकेडेमीका मिलन आले म्यान अफ द म्याच बन्न सफल भएका थिए।
यस्तै उपविजेता बनेको सैनामैना १० सालझण्डीको विश्वशान्ति युवा क्लवले नगद ६६ हजार ६६६ रुपैया सहित कप र मेडलमा चित्त बसझाउन बाध्य भएको छ। रेन्वो एकेडेमीले सेमीफाइनलमा बुटवलको योङ्ग ब्वाइजलाई पराजित गरी फाइनलमा पुगेको थियो भने विश्वशान्तिले सुनगाभा सामुदायिक बिकास केन्द्रलाई पराजित गरी फाइनलमा पुगेको थियो।
यसैगरी प्रतियोगिताको उत्कृष्ट खेलाडीको रुपमा रेन्वो एकेडेमीका सूरज थारु भएका छन। उनले उत्कृष्ट खेलाडी भएसंगै नगद ५ हजार रुपैया सहित ट्रफी प्राप्त गरेका छन। यस्तै उत्कृष्ट डिफेण्डर रेन्वो एकेडेमीका सुजित चौधरी, उत्कृष्ट गोलकिपर रेन्वो एकेडेमीकै भिम भिम पुन मगर र सर्वाधिक गोलकर्ताको रुपमा प्रतियोगिता अवधीभर १० गोल गरेका सूरज थारु घोषित भएका छन। उनले मुर्गिया स्पोर्टससंगको प्रतिस्पर्धामा एक्लैले ६ गोलगरी डबल ह्याट्रिक गरेका थिए।
प्रतियोगिताका विजेता तथा उपविजेता टिमलाई बधाई सहित पुरस्कार वितरण गर्दै लुम्बनी प्रदेश सरकारका भौतिक पूर्वाधार बिकास मन्त्री भूमिश्वर ढकालले समुन्नत समाज र समाजको गुणस्तरीय बिकासको साझेदारको रुपमा युवाहरुलाई एकताबद्ध गराउन सके समाजमा सकारात्मक चिन्तनको बिकास हुने बताउनु भयो। नियमित रुपमा प्रतियोगिता भइरहने पिपरीचापा खेलमैदानलाई व्यबस्थित बनाउन आगामी बर्षमा पनि आवस्यक बजेटको ब्यवबस्था गर्ने मन्त्री ढकालले प्रतिवद्धता व्यक्त गर्नुभयो।
कञ्चन गाउँपालिकाका उपाध्यक्ष मौसमी थापा मगरले युवाहरुलाई बिकृति, विसंगती र कुलतबाट टाढा राख्न खेलकुदले महत्वपूर्ण भूमिका खेल्ने उल्लेख गर्दै पालिकाका हरेक बिकास योजनामा युवाहरुलाई जोड्न र सभ्य समाजका लागि एकता, समन्वय, सहकार्यको भावनाको बिकास गर्न आवस्यक रहेको उपाध्यक्ष थापा मगरले बताउनु भयो।
यस्तै वडा नं. ५ का वडा अध्यक्ष कूलप्रसाद पौडेलले युवाहरु पनि यही समाजको मुख्य अंग भएको र युवाहरुमा स्थानीय सरकारले गरेको लगानी बालुवामा पानी नुहने बिचार व्यक्त गर्नुभयो। खेलकुद राष्ट्र र स्वास्थ्यको लागि खेलिने भएपनि खेलकुदको माध्यमबाट कुनै पनि कार्यमा एकता सहकार्य र सामुहिक कार्यको सोंचमा परिवर्तन ल्याउन सकिने वडा अध्यक्ष पौडेलले बताउनु भयो।
प्रतियोगितामा न्यू सिर्जनशिल एफ.सि. कञ्चन ४ रूपन्देही, न्यू बुद्ध स्पोर्टस क्लब वाणगंगा नगरपालिका ११, रेन्बो एकेडमी कञ्चन ३ हरैया, रुपन्देही, मुर्गिया फुटवल क्लब सैनामैना ४ रुपन्देही, योङ्ग ब्याईज देवदह, रूपन्देही, चाँदनी युवा क्लब कञ्चन १ रुपन्देही, बुद्ध सेभेन स्टार क्लब सैनामैना ११ रूपन्देही, न्यू सिर्जना युवा क्लब तिलोत्तमा १३ रुपन्देही, सुनगाभा सामुदायिक बिकास केन्द्र कञ्चन ४ रूपन्देही, ईभोलुसन क्लब तामनगर, रूपन्देही, भैसाही युवा क्लब कञ्चन ५ रुपन्देही, एम.बि. ब्रोदर्श फर्साटिकर, रूपन्देही, करङ्गे एफ.सि. कञ्चन, रूपन्देही, गौतम बुद्ध सामुदायिक बिकास केन्द्र, कञ्चन ५ रूपन्देही, सुनौलो संगम युवा क्लब कञ्चन ३ रूपन्देही, बिश्व शान्ति युवा क्लब सैनामैना १० सालझण्डी गरी १६ फुटवल क्लवहरुले प्रतियोगितामा प्रतिस्पर्धा गरेका थिए।
गौतमुबद्ध सामुदायिक बिकास केन्द्र, कञ्चन ५ पिपरीचापा रुपन्देहीका अध्यक्ष कमल परियारको अध्यक्षता तथा हिमा बेलवासेको सञ्चालनमा भएको कार्यक्रममा राष्ट्रिय लोक तथा दोेहोरी गायक लालमाया थापा पुन र दीपक दर्लामीले सांगेतिक प्रस्तुती दिएका थिए।
-1756430090.jpg)
