तेश्रो जिल्ला स्तरीय तेक्वाण्डो डोजाङ्ग्ग प्रतियोगिता सम्पन्न

खेलकुद

गृहपृष्ठ
खेलकुद
तेश्रो जिल्ला स्तरीय तेक्वाण्डो डोजाङ्ग्ग प्रतियोगिता सम्पन्न

तेश्रो जिल्ला स्तरीय तेक्वाण्डो डोजाङ्ग्ग प्रतियोगिता सम्पन्न

आइतबार, असार ८, २०८२ कञ्चन खवर

८ असार, कञ्चन
रुपन्देहीको कञ्चनमा संचालन भएको तेश्रो जिल्ला स्तरीय तेक्वाण्डो डोजाङ्ग प्रतियोगिता सम्पन्न भएको छ। प्रतियोगितामा फाम तेक्वाण्डो डोजाङ्ग बुटवल च्याम्पियन बनेको छ। फाम तेक्वाण्डो डोजाङ्गले ७ स्वर्ण, ६ रजत र १२ काश्य सहित २५ पदक सहित च्याम्पियन बनेको हो।
यस्तै ७ स्वर्ण, ३ रजत र ५ काश्य पदक गरी १५ पदक सहित मिलिजुली तेक्वाण्डो डोजाङ्ग, कञ्चन फस्ट रनरअप हुन सफल भएको छ भने ४ स्वर्ण १० रजत र ५ काश्य गरी १९ पदक सहित सैनामैना तेक्वाण्डो डोजाङ्ग, सैनामैना सेकेण्ड रनर अप भएको मिलिजुली तेक्वाण्डो डोजाङ्ग, कञ्चन ५ रुपन्देहीका अध्यक्ष गगन रोका मगरले जानकारी दिनु भएको छ।
प्रतियोगिताका विजेता तथा उपविजेता टिमका खेलाडीहरुलाई कञ्चन ५ का वडा अध्यक्ष कुलप्रसाद पौडेल र कार्यपालिका सदस्य कुमारी घर्तिले पुरस्कार तथा सम्मान गर्नु भएको थियो। वडा अध्यक्ष पौडेलले खेलाडीलाई देशको अमुल्य गहना भनिएको भएपनि राज्यले खेलकुद क्षेत्रमा लगानी गर्न नसकेको प्रति चिन्ता व्यक्त गर्नु भएको थियो।
यस्तै कार्यपालिका सदस्य कुमारी घर्तिले खेलकुद स्वास्थ्य र देशका लागि भनिएपनि खेलकुदले अनुशासन, समन्वय, सहकार्य र एकताको भावनाको बिकास गर्ने भएकोले अन्य क्षेत्रका भन्दा खेलकुद क्षेत्रका हरेक खेलाडीहरु बढी सम्वेदनशिल र सामुहिक काममा विश्वास गर्ने उल्लेख गर्नुभयो।
मिलिजुली तेक्वाण्डो डोजाङ्ग, कञ्चन ५ रुपन्देहीको अध्यक्ष गगन रोका मगरको अध्यक्षतामा भएको उक्त प्रतियोगितामा रुपन्देहीका बिभिन्न ११ टिमका १७१ जना खेलाडीहरुले प्रतिस्पर्धा गरेका थिए। प्रतियोगिता कञ्चन ५ को कभर्डहलमा सम्पन्न भएको हो।

प्रकाशित मिति: आइतबार, असार ८, २०८२ १६:५८