गैडहवामा मानसिक स्वास्थ्य समस्या भएका ३० जनाको उपचार

समाचार

गृहपृष्ठ
समाचार
गैडहवामा मानसिक स्वास्थ्य समस्या भएका ३० जनाको उपचार

गैडहवामा मानसिक स्वास्थ्य समस्या भएका ३० जनाको उपचार

बुधबार, वैशाख १७, २०८२ कञ्चन खवर

१७ बैशाख, कञ्चनरुपन्देहीको गैडहवामा मानसिक स्वास्थ्य उपचार तथा मनोपरामर्श सम्बन्धी एक दिने निशुल्क स्वास्थ्य शिविर सम्पन्न भएको छ। शिविरमा मनोचिकित्सक डा. बिक्रम काफ्लेद्वारा मानसिक स्वास्थ्य समस्या भएका ३० जनालाई उपचार गरिएको छ।
गैडहवामा मनोसामाजिक समस्या र त्यसबाट प्रभावित मानसिक स्वास्थ्य समस्या भएका व्यक्तीहरुको संख्या बृद्धि भइरहेको सन्दर्भमा स्ट्रोम फाउण्डेसनको सहयोगमा ३० जनालाई मानसिक स्वास्थ्य सम्बन्धी उपचार सहित मनोसामाजिक समस्या सम्बन्धी मनोपरामर्श समेत प्रदान गरिएको मनो बिमर्शकर्ता सावित्रा आचार्य ले जानकारी दिनु भएको छ।

सुनगाभा सामुदायिक बिकास केन्द्र, कञ्चन रुपन्देहीको आयोजना तथा गैडहवा गाउँपालिकाको समन्वयमा सूर्यपुरा स्वास्थ्य चौकीमा सो उपचार गरिएको हो। गैडहवा स्वास्थ्य शाखा प्रमुख सुरेन्द्र चौहान, कर्महवा स्वास्थ्य चौकीका इन्चार्ज दिपेन्द्र रिजाल र सूर्यपुरा स्वास्थ्य चौकीका इन्चार्ज मिना पन्थी, सुनगाभा सामुदायिक बिकास केन्द्रका उपाध्यक्ष हिमा बेलवासे शुद्धोधन गाउँपालिका मनो विमर्शकर्ता रामकुमारी चौधरी शिविरको अवलोकन तथा अनुगमन गर्नु भएको थियो।
शिविरमा सहभागी मानसिक स्वास्थ्य समस्या भएका व्यक्तहरुका अभिभावकहरुले शिविरबाट प्रत्यक्ष रुपमा स्वास्थ्य लाभ प्राप्त गर्न पाएकोमा खुशी व्यक्त गरेका थिए।