दोश्रो कञ्चन भैसाही वडा कप प्रतियोगिता : बगिया एफ.सी. विजयी

खेलकुद

गृहपृष्ठ
खेलकुद
दोश्रो कञ्चन भैसाही वडा कप प्रतियोगिता : बगिया एफ.सी. विजयी

दोश्रो कञ्चन भैसाही वडा कप प्रतियोगिता : बगिया एफ.सी. विजयी

शुक्रबार, फागुन २३, २०८१ कञ्चन खवर

२३ फागुन, कञ्चन
रुपन्देहीको कञ्चन गाउँपालिका वडा नं. ५ मा गत फागुन १७ गते देखि जारी दोश्रो कञ्चन भैसाही वडा कप प्रतियोगिताको छैठौं दिन न्यू सिर्जनशिल आमा समूह र बगिया एफ.सी. बिच प्रतिस्पर्धा भएको छ। प्रतिस्पर्धामा बगिया एफ.सी.ले न्यू सिजनशिल आमा समूहलाई २-१ गोल अन्तरले पराजित गरी प्रतियोगिताको सेमीफाइनलमा प्रवेश गरेको छ।
बगिया एफ.सी.का लागि राजिभ सिञ्जालीले खेलको ४ औं मिनेटमा गोल गरि आफ्नो टिमलाई १-० गोल अन्तरले अग्रता दिलाएका थिए। यस्तै बगियाका लागि राजिभको गोल विरुद्ध न्यु सिृजनशील आमा समूहका रोबिस नेपालीले खेलको ९ औं मिनेटमा गोल गरी खेललाई बराबरीमा पुराउन सफल भएका थिए।
दुबै टिमबाट बराबरीको प्रतिस्पर्धात्मक खेलका बिच बग्गीय एफ.सी.का राजिभ सिञ्जालीले नै पुनः खेलको १३ औं मिनेटमा थप अर्को गोल गरी आफ्नो टिमलाई २-१ गोल अन्तरले विजयी बनाउन सफल भए। हिजोको खेलमा म्यान अफ द म्याच बग्गिया एफ.सी.का राजिभ सिञ्जाली भएका छन।
भैसाही युवा क्लब कञ्चन ५ भैसाही रूपन्देहीको आयोजनामा सञ्चालन भइरहेको प्रतियोगिता आजको खेल नव कन्चन एफ. सी. र नव युवा क्लब कुचेरा बीच हुने आयोजकले जनाएको छ। कञ्चन ५ दुर्गा मन्दिर टोलको खेल मैदानमा भएको खेल फागुन २७ गतेसम्म सञ्चालन हुनेछ।
प्रतियोगिताको विजेता टिमले ४० हजार ४ सय ४४ रुपैयाँ नगद पुरस्कार सहित ट्रफी मेडल र प्रमाणपत्र पाउने छन भने उपविजेता टिमले नगद २५ हजार ५ सय ५५ रुपैया नगद पुरस्कार सहित ट्रफी मेडल र प्रमाणपत्र पाउने छन।

प्रकाशित मिति: शुक्रबार, फागुन २३, २०८१ ०७:२२