रुद्रपुर माध्यमिक विद्यालयको स्वर्णमहा्त्सवको अवसरमा आयोजित अन्तर विद्यालय भलिवल प्रतियोगितामा हरैया मा.वि. विजयी

समाचार

गृहपृष्ठ
समाचार
रुद्रपुर माध्यमिक विद्यालयको स्वर्णमहा्त्सवको अवसरमा आयोजित अन्तर विद्यालय भलिवल प्रतियोगितामा हरैया मा.वि. विजयी

रुद्रपुर माध्यमिक विद्यालयको स्वर्णमहा्त्सवको अवसरमा आयोजित अन्तर विद्यालय भलिवल प्रतियोगितामा हरैया मा.वि. विजयी

शनिबार, पुस २०, २०८१ कञ्चन खवर

२० पुस, कञ्चन
श्री रुद्रपुर माध्यमिक विद्यालय, कञ्चन ४ अस्नैया रुपन्देहीको स्वर्णमहोत्सवको अवसरमा आयोजना गरिएको अन्तर विद्यालय स्तरीय पुरुष भलिवल प्रतियोगितामा हरैया माध्यमिक विद्यालय प्रथम भएको छ। हरैया मा.वि.ले आयोजक रुद्रपुर मा.वि.लाई ३१ को सेटमा पराजित गरी प्रथम भएको हो।
कञ्चनका ९ विद्यालयले सहभागिता जनाएको उक्त प्रतियोगितामा हरैयाले रुद्रपुर पिसल्याण्ड भु.पु. सैनिकलाई र रुद्रपुर मा.वि.ले प्रगती मा.वि.लाई परारजित गरी फाइनलमा प्रवेश गरेका थिए। रुद्रपुरले आफ्नो स्वर्णमहोत्सव अवसरमा विभिन्न अतिरिक्त कृयाकलापहरु संचालन गरेको छ भने स्वणमहोत्सवको उटघाटन लुम्बिनी सरकारका भौतिक पुर्वाधार बिकास मन्त्री भुमिश्वर ढकालले यही पुस २२ गते गर्ने कार्यक्रम तय भएको छ। २० गते देखि २५ गतेसम्म संचालन हुने उक्त स्वर्णमहोत्सवमा रुद्रपुर मा.वि.का पुर्व विद्यार्थी समेत रहेका राष्ट्रिय लोक तथा दोहोरी गायक, भ्वाइस अफ सिजन ६ का निर्णायक तथा मोडल खेम सेञ्चुरी, लोक तथा दोहोरी गायक सुदिप सिंजाली, टिका पुन, विष्णु ठडराई, माधव अधिकारी लगायत स्थानीय कलाकारहरुको बिशेष सांगितिक प्रस्तुती हुने विद्यालयले जनाएको छ।
विना शिक्षा अध्यारो समाज, घर घरमा पुर्याऔं प्राविधिक शिक्षाको आवाज मुख्य नारा सहित उक्त विद्यालयले मनाउन गइरहेको ५० औं वार्षिक उत्सव तथा स्वर्णमहोत्सवमा प्राविधिक शिक्षा तथा अक्षयकोष स्थापनार्थ आर्थिक तथा भौतिक सहयोग गर्ने चन्दादाता, अक्षयकोषदाता, जग्गादाताहरुलाई सम्मान गर्ने कार्यक्रम समेत रहेको विद्यालयका शिक्षक तथा स्वर्णमहोत्सव ईतिहास लेखन उपसमितिका सदस्य गोपाल पौडेलले जानकारी दिनु भएको छ।
यस्तै विद्यालय स्थापनार्थ विभिन्न समयमा विभिन्न क्षेत्रबाट आर्थिक, भौतिक, शैक्षिक, सामाजिक तथा नैतिक सहयोग गर्ने संस्थापक, अभिभावक, सहयोगदाता, शिक्षक तथा कर्मचारीहरुलाई पनि सम्मान गर्ने कार्यक्रम रहेको विद्यालयले जनाएको छ।

प्रकाशित मिति: शनिबार, पुस २०, २०८१ ०७:०३