गोर्खा वोइज फराकिलो गोल अन्तरले विजयी

खेलकुद

गृहपृष्ठ
खेलकुद
गोर्खा वोइज फराकिलो गोल अन्तरले विजयी

गोर्खा वोइज फराकिलो गोल अन्तरले विजयी

सोमबार, फागुन ८, २०७९ जगिलाल थापा

८ फागुन, कञ्चन
रुपन्देहीको कञ्चन गाउपालिकामा फागुन ५ गते देखि जारी कञ्चन कप अन्तर्गत गोर्खा वोइज र कपिलबस्तु ११ बिच भएको पहिलो चरणको खेलमा गोर्खा वोइज ६१ गोल अन्तरले विजयी भएको छ। चौथो दिन भएको उक्त खेलमा गोर्दा वोइजका सुवास बमले खेलको १९ औं मिनेटमा पहिलो गोल गरेर आफ्नो टिमलाई अग्रता दिलाएका थिए।
यसैगरी कपिलबस्तु ११ का निरज थारुले खेलको २८ औं मिनेटमा जवाफी गोल गरेर खेललाई बराबरी बनाएका थिए। खेलको पहलो हाफसम्म दुबै टिमको प्रस्पिर्धात्मक खेलका बावजुद दुबै टिमबाट आफ्ना टिमका लागि दोश्रो गोल हुन नसकेपछि १-१ को बराबरी गोलमा समाप्ती भएको थियो। मध्यान्तर पछिको दोश्रो हाफको खेल शुरु भएदेदि नै गोर्खा बोइज निकै आक्रामक रुपमा प्रस्तुत भएपछि कपिलबस्तु ११ का खेलाडीहरु निकै शिथिल बन्न पुगे । कपिलबस्तु ११ का खेलाडीहरु शिथिल भएको मौकालाई भरपुर सदुपयोग गरी गोर्खा वोइजले लगातार थप ५ गोल गर्न सफल भयो। अन्ततः ६-१ गोल अन्तरले गोर्खा बोइज विजयी हुन सफल भयो।
गोर्खा वोइजका लागि हाफ टाइम पछिको ४६ औं मिनेटमा सुवास बमले पुनः दोेश्रो गरे पछि टिमलाई दोव्वर अंकमा पुराएका थिए। लगातार खेलको ५१ औं मिनेटमा विनोद के.सी.ले, ५७ औं मिनेटमा शिव भोटेले ६५ औं मिनेटमा र पुनः सुवास बमले अर्को तेश्रो गोल ह्याट्रिक गर्न सफल भएसंगै टिमलाई ५-१ गोल अन्तर बनाएर टिमलाई अग्रता दिलाएका थिए।
यस्तै ८० औं मिनेटमा सुवास बमले नै पुनः थप १ गोलगरी ६-१ गोल अन्तरका साथ आफ्नो टिमलाई विजयको नजिक पुराएका थिए। आजको खेलमा ४ गोल गरी गोर्खा बोइजका सुवास बम म्यान अफ म्याच बनेका थिए। कञ्चन गाउपालिकाको सहयोगमा जारी पाचौं दिनको खेल केबिए ग्लोवल केबिए भरतपुर एफसी चितवन र विपि स्मृति भैरब एफसी बिच प्रतिस्पर्धा हुने खेल संयोजक मेघराज काउचाले जानकारी दिनु भएको छ। हिमालय गोल्ड कपको १४ औं संस्करणको फुटवल प्रतियोगिताको रुपमा सञ्चालित कञ्चन कप २०७९ मा देशभरका १२ उत्कृष्ट फुटवल टिमहरुले सहभागिता जनाएको छ। कञ्चन गाउपालिकाकै प्रतिस्ठित फुटवल प्रतियोगिताको रुपमा रहेको प्रतियोगितामा कञ्चन कपको उपाधी हात पार्ने टिमले २ लाख २२ हजार २२२ रुपैया नगद सहित कप र मेडल प्राप्त गर्ने छ भने उपविजेता टिमले १ लाख ११ हजार १११ रुपैया नगद सहित कप र मेडल प्राप्त गर्ने खेल संयोजक मेघराज काउचाले जानकारी दिनु भएको छ।
प्रतियोगिता यही फागुन २० गतेसम्म सञ्चालन हुने छ। प्रतियोगिता हेर्न आउने दर्शकहरुका लागि चिट्ठाको आधारमा कुखुराको भाले समेत पुरस्कार स्वरुप दैनिक रुपमा प्रदान गरिदै आएको आयोजकले जनाएको छ।