चलचित्र ‘महापुरूष’ले कमायो दश करोड रुपैयाँ

मनोरञ्जन

गृहपृष्ठ
मनोरञ्जन
चलचित्र ‘महापुरूष’ले कमायो दश करोड रुपैयाँ

चलचित्र ‘महापुरूष’ले कमायो दश करोड रुपैयाँ

सोमबार, मंसिर १२, २०७९ कञ्चन खवर

चलचित्र ‘महापुरूष’ले दश करोड रुपैयाँ कमाइ गरेको छ । चलचित्रले पहिलोहप्ता ४ करोड ५६ लाख ७७ हजार, दोस्रो हप्ता २ करोड ८३ लाख २७ हजार, तेस्रो हप्ता १ करोड ४२ लाख र चौथो हप्ता १ करोड २७ लाख ५ हजारको ग्रस कलेक्सन गरेको चलचित्रका निर्माता म्याक्स दीपेश खत्रीले बताएका छन।हाउसफुल व्यापार गरिरहेको ’महापुरूष’ले ५१ औँ दिनको यात्रा तय गर्ने निश्चित भएको छ । निर्माण पक्षले हिजो पत्रकार सम्मेलन गर्दै चलचित्रले चौथो हप्तामा दश करोड क्लबमा इन्ट्री पाएको जानकारी गराएका छन ।
यस्तै यो चलचित्र नोभेम्बर २० देखि युरोपका विभिन्न सहरहरूमा प्रदर्शन भइरहेको छ । मध्यपूर्वी देशहरू अन्तर्गत संयुक्त अरब इमिरेट्स, बहराइन, ओमान, कतारमा आउँदो डिसेम्बर १ देखि प्रदर्शन हुँदैछ । मध्य पूर्वका देशहरूमा प्रदर्शनको अधिकार लिएका निप चलचित्रका सञ्चालक रमेश ढकालले भक्स, नोभा, स्टार, रोयल, ओस्कार, सिनेको, सिनेपोलिस लगायतका सिनेमाजहरूमा चलचित्र ‘महापुरूष’ प्रदर्शन हुने जानकारी दिएका छन । यस चलचित्रमा मदनकृष्ण श्रेष्ठ, हरिवंश आचार्य, गौरी मल्ल, राजाराम पौडेल, रवीन्द्र सिंह बानियाँ, शिरू विष्टसँगै नवप्रस्तुतिमा अरुण क्षेत्री र अञ्जना बराईली मुख्य भूमिकामा रहेका छन् ।

प्रकाशित मिति: सोमबार, मंसिर १२, २०७९ १९:४५