सैनामैनामा पहिलो शित भण्डारण निर्माण कार्य शुरु

कृषि

गृहपृष्ठ
कृषि
सैनामैनामा पहिलो शित भण्डारण निर्माण कार्य शुरु

सैनामैनामा पहिलो शित भण्डारण निर्माण कार्य शुरु

2077/12/29 कञ्चन खवर

२९ चैत्र,बुटवल
रुपन्देहीको सैनामैना नगरपालिकाका कृषिलाई टेवा पुर्याउने उद्धेश्यले कृषि बजार पुर्वधार निर्माण अन्तरगतको शित भण्डारण गृह निर्माणको नगर प्रमुख चित्र बहादुर कार्कीले एक कार्यक्रम बिच शुभारम्भ गरेका छन ।
सैनामैना वार्ड नं ३ मा निर्माण हुने शित भण्डार गृहको शिलायन्स गर्दै नगर प्रमुख कार्कीले कृषकहरुलाई सहज र सुबिधा पुर्याउने उद्धेश्यले शित भण्डार निर्माण सुरु गरिएको बताए । सैनामैनामा कृषिलाई उच्च प्राथमिकतामा राखेर बिभिन्न योजनाहरु कार्यान्वयन गर्दै आएको र सैनामैनाका किसानलाई लक्षित गरी ११ वटै वडामा कृषि पाठशाला संचालन भएको तथा हाते टेक्टर समेत अनुदानमा बितरण गरिएको प्रमुख कार्कीले बताए । नगरप्रमुख कार्कीले समृद्ध सैनामैना निर्माणका लागी हरेक प्रकारका योजनाहरु सैनामैनामा निर्माणको क्रममा रहेको र किसानहरुलाई कृषिमा आकर्षण गर्न समय समयमा अनुदानमा बिउ बिजन समेत उपलब्द गराउदै आएको नगर प्रमुख कार्की बताए।
२३ मिटर लम्बाई, १५ मिटर चौडाई र ४८ मिटर उचाई रहेको उक्त भवनको निर्माण ६५ लाख ५१ हजार रुपैयामा लक्ष्मी एण्ड सुजल निर्माण सेवाले यो बर्ष पहिलो चरणको सिविल वर्क को काम सम्पन्न गर्ने छ । पुर्ण बन्द प्रबिधि हुने उक्त शित भण्डारण निर्माणको २०७७ चैत ९ गते ठेक्का सम्झौता भएको र २०७८ असार १५ सम्ममा निर्माण सम्पन्न हुने सैनामैनाका प्राबिधिक प्रदिप गिरीले जानकारी दिएका छन।
१ करोड ९६ लाख लागत अनुमान गरिएको उक्त शित भण्डार निर्माणको हाल पहिलो चरणको काम हुने छ । इलेक्ट्रीकल, मेकानिकल र रेफ्रीरेशनको काम भने दोस्रो चरणमा सम्पन्न हुने नगरपालिकाले जनाएको छ ।
कार्यक्रममा एमालेका जिल्ला सदस्य नर बहादुर घर्ती मगर, नेपाली काग्रेसका जिल्ला उपसभापति फणेन्द्र प्रसाद शर्मा, माओवादीका मन बहादुर महत ,गाउ नगर कृषक समुहका शेर बहादुर केसी लगायतले योजना निर्माण कार्य समयमै सम्पन्न हुनमा बिश्वासव्यक्त गरेका छन । कार्यक्रम सैनामैनाका कार्यापालिका सदस्य सबिता भुषाल भण्डारीको अध्यक्षतामा तथा सैनामैैनाका कर्माचारी लक्ष्मी खनालको संचालनमा सम्पन्न भएको थियो ।

प्रकाशित मिति: आइतबार, चैत २९, २०७७ १७:१६