फरार रहेका तीन जना प्रतिवादी पक्राउ

समाचार

गृहपृष्ठ
समाचार
फरार रहेका तीन जना प्रतिवादी पक्राउ

फरार रहेका तीन जना प्रतिवादी पक्राउ

शनिबार, भदौ १३, २०८३ कञ्चन खवर

१३ भदौ, भैरहवा
अदालतबाट विभिन्न मुद्दामा फैसला भई कैद तथा जरिवाना तोकिएपछि फरार रहेका तीन जना प्रतिवादीलाई रुपन्देही प्रहरीले पक्राउ गरेको छ।
सम्मानित रुपन्देही जिल्ला अदालतको विभिन्न मितिको फैसलाअनुसार कैद तथा सजाय भई हालसम्म फरार रहेका प्रतिवादीहरूलाई जिल्ला प्रहरी कार्यालय रुपन्देही तथा मातहत कार्यालयबाट खटिएको संयुक्त प्रहरी टोलीले २०८३ भदौ १२ गते जिल्लाका विभिन्न स्थानबाट पक्राउ गरेको हो।
पक्राउ पर्नेमा लागूऔषध मुद्दामा तिलोत्तमा नगरपालिका–२ का आदित्य साह रहेका छन्। उनलाई अदालतले ५ महिना कैद र २ हजार रुपैयाँ जरिवाना तोकेको थियो।
त्यस्तै, चोरी मुद्दामा कञ्चन गाउँपालिका–१ का विष्णु भुजेल र कञ्चन गाउँपालिका–४ का सलिम थापा पक्राउ परेका छन्। दुवैलाई अदालतले ३/३ महिना कैद तथा ५/५ हजार रुपैयाँ जरिवाना तोकेको थियो।
प्रहरीका अनुसार अदालतको फैसला कार्यान्वयन गर्ने क्रममा उनीहरूलाई पक्राउ गरी सम्मानित रुपन्देही जिल्ला अदालतमा पेश गरिएको छ। पक्राउ परेका तीनै जनाबाट अदालतले तोकेको कुल ११ महिना कैद तथा १२ हजार रुपैयाँ जरिवाना कार्यान्वयन हुने प्रहरीले जनाएको छ।