कञ्चनमा सञ्चालित ३ दिने नेतृत्व एवम् क्षमता तथा उद्घोषण तालिम सम्पन्न

समाचार

गृहपृष्ठ
समाचार
कञ्चनमा सञ्चालित ३ दिने नेतृत्व एवम् क्षमता तथा उद्घोषण तालिम सम्पन्न

कञ्चनमा सञ्चालित ३ दिने नेतृत्व एवम् क्षमता तथा उद्घोषण तालिम सम्पन्न

बुधबार, जेठ ६, २०८३ कञ्चन खवर

६ जेठ, कञ्चन
पिपरीचापा महिला सामुदायिक बन उपभोक्ता समूह, कञ्चन ५ पिपरीचापा रुपन्देहीको आयोजनामा सञ्चालित ३ दिने नेतृत्व एवम् क्षमता बिकास तथा उद्घोषण तालिम आज सम्पन्न भएको छ। समूहको आफ्नो बन कार्यक्षेत्र अन्तर्गत कृययाशिल टोल बिकास संस्था, आमा समूह, क्लव, सहकारी तथा खानेपानी उपभोक्ता समितिका पदाधिकारी सदस्यहरुका लागि सञ्चालन गरिएको उक्त तालिमको व्यबस्थापन कञ्चन सूचना तथा सञ्चार केन्द्र, कञ्चन ४ रुपन्देहीले गरेको थियो।
४० जना सहभागि भएको उक्त तालिमको समापन गर्दै कञ्चन गाउँपालिका वडा नं. ५ का वडा सदस्य रुम बहादुर पुनले सिक्नु ठूलो कुरा नभई सिकेको कुरालाई आफ्नो क्लव, समूह तथा संघसंस्थाको औपचारिक तथा अनौपचारिक कार्यक्रमहरुमा प्रयोग गर्न सकियो भनेमात्र सिकाईको सार्थकता हुने बताउनु भएको थियो। कार्यक्रमका प्रमुख अतिथि समेत रहनु भएका पुनले आफ्नो मनमा लागेको कुरा समेत अभिब्यक्त गर्न नसक्दा धेरै अवसरहरु समेत गुमाउनु परेको तितो यथार्थलाई मननगरी आत्मविश्वासले मात्र आफुलाई हरेक क्षेत्रमा अगाडी बढ्ने अवसर प्रदान गर्ने कुरा वडा सदस्य पुनले उल्लेख गर्नु भएको थियो।
समूहका संस्थापक अध्यक्ष गौरा थापाले सिप सिकेर कहिकतै खेर नजाने तर सिकेको कुरा सही समयमा उपयोग गर्न नजानेमा आफुभित्रको क्षमताको सम्मान समेत नहुने बिचार व्यक्त गर्नुभएको थियो। कार्यक्रमका विशिष्ट अतिथि समेत रहनु भएका थापाले सिकाई आफैमा निरन्तर प्रकृया भएको कुरा उल्लेख गर्दै नेतृत्व बिकासका लागि आफ्नो व्यक्तित्व बिकास अपरिहार्य भएको र व्यक्तित्व बिकासका लागि बोल्ने कलाको सिप सिक्नमा यो तालिम उपयोगी बन्नेमा विश्वास व्यक्त गर्नु भएको थियो।
यस्तै प्रशिक्षकहरुको तर्फबाट कञ्चन साथी साथी सञ्जालका अध्यक्ष सुस्मिता नेपालीले थोरै समयमा पनि अपेक्षित सफलताको नजिक पुग्नु भनेको सिकाई प्रतिको बढी चासो र लगावको एक उदाहरण भएको बिचार व्यक्त गर्नु भएको थियो। तालिम भनेको एक आपसमा सिक्ने र सिकाउने माध्यम भएको उल्लेख गर्दै प्रशिक्षक नेपालीले एक अर्काको अनुभवहरुको आदान प्रदानले एक अर्कालाई अझ अब्बल बनाउने मञ्च नै सिक्ने र सिकाउनेहरुका लागि सबैभन्दा ठूलो अवसर भएको बताउनु भएको थियो।
यस्तै प्रशिक्षार्थीहरुको तर्फबाट गिर प्रासद गुरुङ्ग र लक्ष्मी खत्रीले तालिम अवधी थोरै भएपनि सिकाई प्रभावकारी भएको र कुन समयमा कहा, कसरी के बोल्ने बोल्दा अपनाउनु पर्ने केही ब्यबहारिक ज्ञान प्राप्त भएको अनुभव ब्यक्त गर्नु भएको थियो।
कार्यक्रमको समापन गर्दै पिपरीचापा महिला सामुदायिक बन उपभोक्ता समूहका अध्यक्ष देउकुमारी काउचाले महिलाहरुको शसक्तीकरण र नेतृत्व बिकास गर्न समूहको सामाजिक उत्तरदायित्व अन्तर्गत तालिमको आयोजना गरिएको बताउनु भएको थियो।
तालिममा भूमिका तरामु मगर, उजेली विश्वकर्मा, प्रतिमा गौतम, सुस्मिता नेपाली र जगीलाल थापाले प्रशिक्षण गर्नु भएको उक्त तालिम समापन कार्यक्रमको सञ्चालन समूहका लोखा समिति संयोजक घनि कुमारी थापाले गर्नु भएको थियो भने समूहका कार्यलय सचिव भूवनेश्वरी पुनको स्वागत तथा प्रशिक्षार्थी मुना गुरुङ्गले धन्यवाद ज्ञापन व्यक्त गर्नु भएको थियो।

प्रकाशित मिति: बुधबार, जेठ ६, २०८३ २१:३१