अनशानरत शोभा पाठकमाथी महेश बस्नेतकी पत्नी अम्बिकाद्वारा हातपात

समाचार

गृहपृष्ठ
समाचार
अनशानरत शोभा पाठकमाथी महेश बस्नेतकी पत्नी अम्बिकाद्वारा हातपात

अनशानरत शोभा पाठकमाथी महेश बस्नेतकी पत्नी अम्बिकाद्वारा हातपात

सोमबार, वैशाख १४, २०८३ कञ्चन खवर

१४ बैशाख, काठमाडौं
नेकपा एमालेका नेता महेश बस्नेतकी श्रीमती अम्बिका भण्डारी बस्नेतसहितको समूहले काठमाडौँको माइतीघरमा शोभा पाठकमाथि हातपात गरेको छ।
आफूमाथि बुलात्कार गरेको आरोप लगाउँदै बस्नेतलाई पक्राउ गर्न माग गरी अनशनमा बसेकी पाठकमाथि माइतीघरमै पुगेर हातपात गरिएको हो। अम्बिकासहित आएका केही महिलाहरूले अनशन स्थलमै पाठकको कपाल भुुत्लाउँदै हाुतपात गरेका हुन्। सो घटनाको भिडियो अहिले सामाजिक सञ्जालमा व्यापक रूपमा भाइरल भइरहेको छ। भिडियोमा केही महिलाहरूले पाठकलाई अचानक भौतिक आक्रमण गरेको देखिन्छ।
शोभा पाठकले केही समयदेखि महेश बस्नेतमाथि गम्भीर आरोप लगाउँदै कानुनी कारबाहीको माग गरी माइतीघरमा आन्दोलन गर्दै आएकी थिइन्। सार्वजनिक स्थल र सुरक्षाकर्मीको उपस्थितिमै संवेदनशील क्षेत्रमै यसरी हातपात भएपछि यस घटनालाई लिएर सामाजिक सञ्जालमा विभिन्न प्रतिक्रियाहरू आइरहेका छन्।
घटनालगत्तै भिडन्त छुट्याएर प्रहरीलेअम्बिकासहित केही महिलालाई नियन्त्रणमा लिएको छ । शोभा पाठक, रस्मिला धामी लगायतका युवतीहरू माइतीघरमा सुधन गुरुङलाई पुनर्वहाली गर्नुपर्ने भन्दै धर्नामा बसिरहेका थिए । सोही क्रममा अम्बिका दलबलसहित आएर उनीहरूमाथि झम्टिएको प्रत्यक्षदर्शीले बताएका छन् । त्यसपछि दुईजनाबीच घम्साघम्सी चलेको थियो ।
प्रहरीले आएर उनीहरूलाई छुट्यायो र अम्बिका लगायतका महिलालाई लिएर हिँड्यो । शोभा पाठक केही दिनअघि महेश बस्नेतलाई कारबाही हुनुपर्ने भन्दै अनशन बसेकी थिइन् ।
तत्कालीन गृहमन्त्री सुधन गुरुङ उनलाई भेट्न पुगेका थिए । सुधनले पदबाट राजीनामा दिएसँगै शोभाले पनि अनशन तोडिन् । अहिले उनको पुनर्वहालीको माग गर्दै आएकी छन् ।

प्रकाशित मिति: सोमबार, वैशाख १४, २०८३ १५:४७