जुवा खेलि रहेको अवस्थामा ठूलो रकम सहित ६ जना पक्राउ

समाचार

गृहपृष्ठ
समाचार
जुवा खेलि रहेको अवस्थामा ठूलो रकम सहित ६ जना पक्राउ

जुवा खेलि रहेको अवस्थामा ठूलो रकम सहित ६ जना पक्राउ

बिहीबार, चैत २६, २०८२ कञ्चन खवर

२६ चैत्र, भैरहवा
प्रहरी कार्यालय रुपन्देहीले तिलोत्तमा नगरपालिका वडा नं.५ मणिग्राम स्थित CMG Club Casino चेकजाँचको क्रममा जुवा खेल्दै गरेको अवस्थामा ठूलो रकम सहित ६ जनालाई प्रहरीले पक्राउ गरेको छ।
जिल्ला प्रहरी कार्यललय रुपन्देहीका प्रहरी नायव उपरीक्षकको कमाण्डमा खटिएको प्रहरी टोलिले हिजो रुपन्देहीका बिभिन्न ऋबकष्लय हरुमा राती करिब २२ बजेको समयमा मणिग्राम स्थित CMG Club Casino मा समेत चेकजाँच गर्दा उक्त Casino मा जुवा खेलि रहेको अवस्थामा जुवा खेलाउनेहरु सर्लाही बरहथवा नगरपालिका वडा नं. ८ बस्ने बर्ष ३१ को मुकेश कुमार श्रेष्ठ र ललितपुर गोदावरी नगरपालिका वडा नं. १५ बस्ने बर्ष ४१ को अजय के.सी.लाई पक्राउ गरिएको जिल्ला प्रहरी कार्यालय रुपन्देहीका सूचना अधिकारी तथा प्रहरी नायव उपरीक्षक कृष्ण कुमार चन्दले जानकारी दिनु भएको छ।
यस्तै जुवा खेल्ने कार्यमा संलग्न रहेका बुटवल उप महानगरपालिका वडा नं. १२ बस्ने बर्ष ३५ को गोबिन्द शर्मा, ऐ. वडा नं. ९ बस्ने बर्ष ३५ को बासुदेव गौतम, सोही ठाउँ बस्ने बर्ष ३५ को कृष्ण गौतम र वडा नं ११ बस्ने बर्ष ३६ को चन्द्र प्रसाद श्रेष्ठलाई समेत प्रहरीले पक्राउ गरेको हो।
प्रहरीले Casino Coin १,२५,००० (IC) सहित नेपाली नगद २ लाख १७ हजार ३९० रुपैया र भारतिय नगद ३५०० रुपैया, बिभिन्न कम्पनिका मोवाईल ६ सेट र ७ गड्डी तास बरामद गरेको प्रहरीले जनाएको छ।

प्रकाशित मिति: बिहीबार, चैत २६, २०८२ १२:३६