कञ्चन क्रिकेट लिग शुरु, रेन्वो एकेडेमी ७६ रनले विजयी

खेलकुद

गृहपृष्ठ
खेलकुद
कञ्चन क्रिकेट लिग शुरु, रेन्वो एकेडेमी ७६ रनले विजयी

कञ्चन क्रिकेट लिग शुरु, रेन्वो एकेडेमी ७६ रनले विजयी

आइतबार, माघ २६, २०८२ कञ्चन खवर

२५ माघ, कञ्चन/ओसिङ्ग थापा मगर
रुपन्देहीको कञ्चनमा पहिलो पटक क्रिकेट लिग आजबाट शुरु भएको छ। क्रिकेट खेलाडीहरुको उत्पादन र क्रिकेट खेलको माधयमबाट नयाँ पुस्तामा क्रिकेट खेलप्रति आकर्षण गराउने उद्धेश्यका साथ लिग कम नकआउट प्रतियोगिता शुरु भएको हो।
शान्ति सिद्धार्थ युवा क्लव, कञ्चन ३ प्रतापपुर रुपन्देहीको आयोजनामा शुरु भएको आजको उद्घाटन खेल रेन्वो एकेडेमी एजुकेश्नल कन्सल्टेन्सी र शिवशक्ती युवा क्लव बिच प्रतिस्पर्धा भएको थियो। आजको उक्त खेलमा रेन्वो एकेडेमी एजुकेश्नल कन्सल्टेन्सी ७६ रनले विजयी भएको छ।
टस जिटेर बलिङ्गमा उत्रिएको शिवशक्तीलाई रेन्वोले १२५ रनको टार्गेट दिएको थियो। त्यसपछि भने ब्याटिङ्गमा मैदान उत्रिएको शिवशक्तीलाई ४९ रनमै प्याक गर्दै रेन्वो एकेडेमी ७६ रनले विजयी भएको हो। आज भएको उद्घाटन खेलमा रेन्वो एकेडेमीका नवराज भण्डारी म्यान अफ द म्याच भएक छन।
कञ्चन, गैडहवा र सैनामैनाका क्रिकेट टिमहरुले सहभागिता जनाएको उक्त प्रतियोगितामा १४ टिमहरुले प्रतिस्पर्धा गर्ने शान्ति सिद्धार्थ युवा क्लवले जनाएको छ। प्रतियोगितलाई कञ्चन ३ मा हरैयामा रहेको जापनीज भाषा शिक्षण गराउने रन्वो एकेडेमी एजुकेश्नल कन्सलटेन्सीको प्रायोजन गरेको छ।
प्रतियोगिताको शुरु गर्दै सिद्धार्थ युवा क्लवका अध्यक्ष समिर ढकालले पछिल्लो समय युवा पुस्ताहरुमा लोकप्रिय बन्दै गइरहेको क्रिकेट खेललाई ग्रामिण क्षेत्रमा पनि प्रबर्द्धन गर्दै नयाँ पुस्तामा क्रिकेट खेलप्रतिको आकर्षण र व्यबसायिक बनाउन सहयोग पुर्याउन प्रतियोगिताको आयोजना गरिएको बताउनु भएको छ।
प्रतियोगिता विजेता हुने टिमले नगद ३० हजार रुपैया सहित कप, मेडल र प्रमाण पत्र पाउने छ भने उपविजेता टिमले नगद १५ हजार रुपैया सहित कप, मेडल र प्रमाण पत्र पाउने आयोजकले जनाएको छ। फागुन ४ गते सम्म सञ्चालन हुने उक्त प्रतियोगिता कञ्चन ३ स्थित धमिनाताल खेलमैदानमा सञ्चालन भइरहेको छ।

प्रकाशित मिति: आइतबार, माघ २६, २०८२ २१:०३