ईशान शर्माको मृत्यु प्रकरणः सत्य तथ्य छानविन गर्न माग गर्दै सडक चक्काजाम, आफन्तहरु प्रहरीको नियन्त्रणमा

समाचार

गृहपृष्ठ
समाचार
ईशान शर्माको मृत्यु प्रकरणः सत्य तथ्य छानविन गर्न माग गर्दै सडक चक्काजाम, आफन्तहरु प्रहरीको नियन्त्रणमा

ईशान शर्माको मृत्यु प्रकरणः सत्य तथ्य छानविन गर्न माग गर्दै सडक चक्काजाम, आफन्तहरु प्रहरीको नियन्त्रणमा

आइतबार, माघ ५, २०८२ कञ्चन खवर

४ माघ, कञ्चन
रुपन्देहीको कञ्चन ३ रुद्रपुरका १७ बर्षिय ईशान शर्माको मृत्युको बिषयलाई लिएर लुम्बिनी फायरलाईन सडक खण्ड चक्काजाम गरिएको छ। पिडित परिवार, आफन्त र छिमेकीहरुले ईशानको न्यायको माग गर्दै महेन्द्र राजमार्ग अन्तर्गत लुम्बिनी फायरलाइन सडक प्रवशेद्वारमा शान्तिपूर्ण धर्ना सहित चक्काजाम गरेका हुन।
ईशानको मृत्यु भएको १ महिनासम्म कुनै सत्य तथ्य छानविन नगरी सतही रुपमा छानविनको नाटक गरेर प्रहरीद्वारा सडक दुर्घटनाबाट मृत्यु भएको प्रतिवेदन सावर्जनिक गरेको भन्दै पिडित परिवार, आफन्त र छिमेकीहरु महिना दिनदेखि निरन्तर आन्दोलित हुदै आएका हुन।
हिजो पिडित परिवारबाट भएको शान्तिपूर्ण धर्नाको क्रममा केही व्यक्तीहरुलाई प्रहरीले नियन्त्रणमा लिएको छ। प्रहरीको निययन्त्रणमा पर्नेहरुमा मृतक ईशान शर्माको भाई सार्थक शर्मा, ठूलीआमा सन्तोषी शर्मा, छिमेकीहरु लिल बहादुर क्षेत्री, सिता उपाध्याय लगायत १३-१४ जना रहेका छन।
पिडित परिवार तथा स्थानीयहरुले शान्तिपूर्ण चक्काजाम गर्नका लागि महेन्द्र राजमार्ग तर्फ जानेक्रममा प्रहरीले उनिहरुलाई लुम्बिनी फायरलाइन सडक खण्डको लुम्बिनी प्रवेशद्वारमै शान्तिपूर्ण धर्नाका लागि आग्रह गरेपनि स्थानीयहरुले जवरजस्ती गर्न खोज्दा प्रहरीले केहीलाई नियन्त्रणमा लिइएको ईलाका प्रहरी कार्यलय बुटवलका प्रहरी नायव उपरीक्षक ईन्द्र बहादुर रानाले जानकारी दिनु भएको छ। प्रहरीको नियन्त्रणमा परेका सबैलाई हिजो नै आ आ्फनो परिवारको जिम्मा दिइएको प्रहरीले जनाएको छ।
पिडित परिवारले प्रहरीको प्रतिवेदनलाई अस्विकार गर्दै आइरहेका कारण ईशानको शब १ महिना देखि लुम्बिनी प्रादेशिक अस्पताल बुटवलको शबगृहमा रहेको छ। पिडित परिवार, स्थानीय तथा आफन्तहरुले ईशानको मृत्युको सत्य तथ्य छानविनका लागि छानविन आयोग गठन गर्नु पर्ने माग राख्दै "नक्कली दोषी मान्दैनौ", "वास्तविक हत्यारा पत्ता लगा" "ईशानलाई न्याय दे" जस्ता नारा सहित करिब २ घण्टा शान्तिपूर्ण चक्काजाम गरेका थिए।
गत पुस २ गते सम्पर्क विहिन भएका ईशान अर्कोदिन पुस ३ गते साँझ घर नजिकैको ढकन लगाएको नाली भित्र मृत अवस्थामा भेटिएका थिए। उनको टाउको पछाडी गम्भिर चोट र बायाँ आखा फुटेको अवस्थामा मृत भेटिएका ईशानको रहस्यमय मृत्युलाई लिएर स्थानीयहरुले प्रहरीद्वारा सार्वजनिक गरिएको प्रतिवेदन आधारहिन, अविस्वसनीय रहेको र सत्य तथ्य अनुसन्धानका माग राख्दै वास्तविक दोषीलाई तत्काल सार्वजनिक गर्न माग गरिहेका छन।
ईशानको न्यायका लागि सडक संघर्ष सहित अव न्यायलयको ढोका समेत ढकढकाउने ईशानका बुवा अर्जुन शर्माले बताएका छन।

प्रकाशित मिति: आइतबार, माघ ५, २०८२ ०८:२३