९ औं माघी महोत्सव मेलाः मदन, मिलन र उमा थारुले कञ्चन हल्लाए

समाचार

गृहपृष्ठ
समाचार
९ औं माघी महोत्सव मेलाः मदन, मिलन र उमा थारुले कञ्चन हल्लाए

९ औं माघी महोत्सव मेलाः मदन, मिलन र उमा थारुले कञ्चन हल्लाए

सोमबार, पुस २८, २०८२ कञ्चन खवर

२८ पुस, कञ्चन
थारु समुदायको नयाँ बर्ष २६४९ को अवसरमा थारु कल्याणकारीणी सभा, कञ्चन रुपन्देहीको आयोजनामा पुस २५ गतेदेखि जारी ९ औं माघी महोत्सव मेलाको तेश्रो दिन विभिन्न साँस्कृतिक प्रतियोगिताहरु सम्पन्न भएका छन।
कञ्चन गाउँपालिका वडा नं. ५ को कार्यलय परिसरमा सञ्चालन भइरहेको उक्त मेलाको तेश्रो दिन घोँगी खाने, महिला डेलवा दौड, पुरुष पहिरन प्रतिययोगिता र रेकर्ड डान्स प्रतियोगिता सम्पन्न भएका छन। हिजो भएको घोँगी खाने प्रतियोगितामा हरिप्रसाद थारु प्रथम भएका छन भने लक्ष्मी थारु र सरोज थारु द्वितीय भएका छन । यस्तै जुना थारु तृतीय भएको थारु कल्याणकारीणी सभाका शैलेन्द्र थारुले जानकारी दिनु भएको छ।
यस्तै महिला डेलव दौड प्रतियोगितामा मोनिका थारु प्रथम, सुनकुमारी थारु द्वितीय र संगिता थारु तृतीय भएका छन। यसैगरी थारु पहिरन प्रतियोगितामा निल बहादुर थारु प्रथम, अवधराम थारु द्वितीय र हरिप्रसाद थारु तृतीय भएको मेला सचिवालयका शैलेन्द्र चौधरीले जानकारी दिनु भएको छ।
हिजो नै सम्पन्न थारु समुदायमा प्रचलित रेकर्ड डान्स प्रतियोगिता सम्पन्न भएको छ । उक्त प्रतियाोगिताको नतीजा आज प्रकाशित हुने आयोजकले जनाएको छ। आज मेलाको अन्तिम दिन झुमरा नृत्य, लट्ठी नृत्य प्रतियोगिता सहित थारु राष्ट्रिय कलाकाहरु सोनी कुस्मी, हरिनारायाण् थारु, सरगम थारु दिपक थारु लगायतको बिशेष सांगेतिमक प्रस्तुती हुने थारु कल्याणकारी सभा कञ्चनका सचिव बिष्णु थारुले जानकारी दिनु भएको छ।
यस्तै हिजो थारु गायक मिलन थारु, मदन थारु र उमा थारुको सांगेतिक प्रस्तुतीलेबाट कचनका दर्शकहरुको मनमा हलचल ल्याइदिएका थिए । जव मदन थारु स्टेज चढे तव अन्तिम समयसम्म दर्शकहरुको हुटिङ्ग सहित पटक पटक वन्स मोर वन्स मोर भन्दै मदनको गायनमा झुमेका थिए। यस्तै गायक मिलन थारु र उमा थारुको सांगेतिक प्रस्तुतीमा दर्शकहरु स्टेजमै गएर नाच्न भ्ययाएका थिए ।
मेलाको तेश्रो दिन थारु कल्याणरिणी सभाका जिल्ला अध्यक्ष कमल नारायण थारुले थारु भाषामा पाठ्यक्रम तयार भइरहेको र उक्त पाठ्यक्रममा थारु समुदायलाई पहिचान दिने केही नयाँ बिषयबस्तुहरु भए सुझाव पठाउन आग्रह गर्नु भयो । कुनै पनि जातीको भाषा साहित्य, संस्कृति त्यो जातीको पहिचान भएको उल्लेख गर्दै थारु आफ्नो जातीय भाषा, कला संस्कृति, साहित्य र संगितको संरक्षण र सम्बर्द्धन गरी नयाँ पुस्तामा हस्तान्तरण गर्नु आजको अनिवार्य आवस्यकता रहेको उल्लेख गर्नु भएको थियो ।
थारु कल्याणकारिणी सभा कञ्चनका अध्यक्ष पूर्णवासी थारुको अध्यक्षतामा सञ्चालित मेलाको सांस्कृतिक कार्यक्रम सभाका सचिव बिष्णु थारु र पवित्रा थारुले सञ्चालन गर्नु भएको छ।

प्रकाशित मिति: सोमबार, पुस २८, २०८२ ०९:१९