जनउत्थान सामुदायिक लघुवित्त वित्तीय संस्था लिमिटिेडद्वारा स्वास्थ्य सामग्री वितरण

समाचार

गृहपृष्ठ
समाचार
जनउत्थान सामुदायिक लघुवित्त वित्तीय संस्था लिमिटिेडद्वारा स्वास्थ्य सामग्री वितरण

जनउत्थान सामुदायिक लघुवित्त वित्तीय संस्था लिमिटिेडद्वारा स्वास्थ्य सामग्री वितरण जनउत्थान सामुदायिक लघुवित्त वित्तीय संस्था लिमिटिेडद्वारा स्वास्थ्य सामग्री वितरण

शनिबार, पुस २६, २०८२ कञ्चन खवर

२६ पुस, कञ्चन
ग्रामिण क्षेत्रमा महिलाहरुको आर्थिक तथा सामाजिक स्तरबृद्धि गर्न महिलाहरुलाई उद्यमशिलतातर्फ उत्प्रेरित गर्ने उद्धेश्यका साथ सञ्चालित जनउत्थान सामुदायिक लघुवित्त वित्तीय संस्था लिमिटेडद्वारा विभिन्न स्वास्थ्य सामग्री वितरण गरेको छ। संस्थागत सामाजिक उत्तरदायित्व अन्तर्गत फर्साटिकर शाखाले विभिन्न समूहका ४६ जना महिला सदस्य र ४ जना सामुदायिक महिला स्वास्थ्य स्वयमेविका समेतगरी ५० जनालाई उक्त स्वास्थ्य सामग्री वितरण गरेको हो।
स्वास्थ्य सामग्री हस्तान्तरण गर्दै गैडहवा गाउँपालिकाका उपाध्यक्ष माधुरी जैवालले ग्रामिण समुदायका महिलाहरुको आर्थिक तथा सामाजिकस्तर बृद्धि गर्नमा विभिन्न लघुवित्त वित्तिय संस्थाहरुको अहम भूमिका रहेको उल्लेख गर्नु भयो। हिजोको त्यो कठिन समयमा आफुलाई रोग लागेर उपचार गर्नका लागि अस्पताल जानु पर्दा लाग्ने पैसा साहुसंग ऋण स्वरुपमा माग्न जानु पर्दा महिलाहरुले अनेक समस्या झेल्नु परेको अवस्थामा गाउँ गाउँमा लघुवित्त वित्तिय संस्थाहरुको आगमनले महिलाअरुको जीवनमा सकारात्क परिवर्तन ल्याएको उपाध्यक्ष जैसवालले बताउनु भयो।
उपाध्यक्ष जैसवालले पुरुष भन्दा महिलाहरुको स्वास्थ्य जोखिम बढी हुने भएकोले जनउत्थान लघुवित्त वित्तिय संस्थाबाट भएको स्वास्थ्य सामग्री वितरणले समाजमा लघुवित्त प्रति सकारात्मक सन्देश प्रवाह हुने बताउनु भयो ।
कार्यक्रममा जनउत्थान लघुवित्त वित्तिय संस्था लिमिटेड फर्साटिकर शाखाका व्यबस्थापन विभागका विभागिय प्रमुख इन्द्र बरालीले लघुवित्त वित्तिय संस्था नाफाका लागि मात्र नभई सेवामुखी संस्थाको रुपमा समेत हेर्न र बुझ्न आवस्यक रहेको उल्लेख गर्दै समूह जमानीमा लिएको कर्जालाई उद्यमशिलतामा लागनी गर्ने र दैनिक जिविकोपार्जनमा सरिक हुन सके वित्तिय संस्थाहरु ऋणी नभई सहयोगी संस्थाको रुपमा ग्रहण गर्न सकिने बताउनु भयो।
कार्यक्रममा वडा नं. ६ का वडा सदस्य मञ्जु चमार, जनउत्थान लघुवित्त वित्तिय संस्था लिमिटेड रुद्रपुर शाखाका कार्यलय अधिकृत अविनाश चौधरी, सोही शाखाका लेखा अधिकृत उपेन्द्रकुमार यादव, सामुदायिक महिला स्वास्थ्य स्वयम सेविका माया जि.सी., सूर्यपुरा स्वास्थ्य चौकीका अनमी प्रेरणा थापालगायतले जनउत्थान लघुवित्त वित्तिय संस्था लिमिटेडबाट आफ्नो सामाजिक उत्तरदायित्व अन्तर्गत भएको सामाजिक कार्यले समाजमा नयाँ सन्देश प्रवाह हुने विश्वाुस व्यक्त गरेका थिए।
सूर्यपुरा माध्यमिक विद्यालयमा भएको उक्त कार्यक्रम जनउत्थान लघुवित्त वित्तिय संस्था लिमिटेड, फर्साटिकर शाखाका प्रमुख राजेशकुमार हरिजनको अध्यक्षता तथा टोप बहादुर सुनारको सञ्चालनमा भएको थियो । कार्यक्रममा महिलाहरुका लागि सेनेटरीप्याड, डिटोल साबुन, टावेल लगायत स्वास्थ्य सामग्री वितरण गरिएको थियो।

प्रकाशित मिति: शनिबार, पुस २६, २०८२ २०:५०