कञ्चनको भैरमघाटमा वडा अध्यक्ष खुल्ला फुटवल प्रतियोगिता शुरु

समाचार

गृहपृष्ठ
समाचार
कञ्चनको भैरमघाटमा वडा अध्यक्ष खुल्ला फुटवल प्रतियोगिता शुरु

कञ्चनको भैरमघाटमा वडा अध्यक्ष खुल्ला फुटवल प्रतियोगिता शुरु

बिहीबार, कात्तिक २८, २०८२ कञ्चन खवर

२७ कार्तिक, कञ्चन
हरेक बर्ष शतविज छर्ने मेलाको रुपमा लाग्दै आइरहेको भैरमघाट बालाचतुदर्शी मेलाको अवसरमा वडा अध्यक्ष कप खुल्ला नकआउट फुटवल प्रतियोगिता शुरु भएको छ। कञ्चन आमा समूह, कञ्चन ४, कञ्चन रुपन्देहीको आयोजनामा सञ्चालित उक्त प्रतियोगितामा रुपन्देही र कपिलबस्तुका गरी १६ फुटवल समूहहरुले सहभागिता जनाएका छन।
प्रतियोगिताको पहिलो दिन निक्ष्पक्ष सुधार केन्द्र, कञ्चन ३ रुपन्देही र भैसाही फुटवल क्लव विच भएको पहिलो खेलमा निष्पक्ष सुधार केन्द्र विजयी भएको छ। निष्पक्षले भैसाहीलाई ३-१ गोल अन्तरले पराजित गरी प्रतियोगिताको दोश्रो चरणमा प्रवेश गर्न सफल भएको छ।
निष्पक्षका लागि खेलको २३ औं मिनेटमा रोव परियारले गोल गरेको थिए भने दोश्रो हाफ पछिको खेलमा कजी अधिकारी र मिलन रानाले १-१ गोल गरेका थिए। यस्तै भैसाही फुटवल क्लवको लागि भने खेलको प्रारम्भिक चरणमै पहिलो गोल गरेर टिमलाई १-० गोल अन्तरले अग्रता कायम गरेपनि उनको उक्त गोलले टिमका लागि सार्थकता दिन सकेन।
यसैगरी हिमालय सामुदायिक बिकास केन्द्र, कञ्चन ४ रुपन्देही र सिद्धार्थ युवा क्लव विच भएको उद्घाटन खेलमा हिमालय सामुदायिक बिकास केन्द्र विजयी भएको छ। हिमालयका लागि आकाश थापा र नसिव पुनले १-१ गोल गरेका थिए। सिद्धार्थका लागि भने सुमन थापाले सान्त्वना गोल गरेका थिए।

प्रतियोगिताको उद्घाटन गर्दै कञ्चन गाउँपालिका वडा नं. ४ का वडा अध्यक्ष केशर बहादुर खत्रीले खेलकुदको माध्यमबाट युवाहरुलाई सामाजिक सेवामा उत्प्रेरित गर्न सकिने बताउनु भयो। खेलकुदले युवाहरुलाई एकता, सहकार्य, समन्वय र धैर्यता गर्न सिकाउने भएकोले अन्य उमेर समूहका भन्दा युवाहरु बढी सम्वेदनशिल हुने वडा अध्यक्ष खत्रीले विचार व्यक्त गर्नु भयो।
प्रतियोगिताको विजेता टिमले नगद ५० हजार रुपैया सहित कप र मेडल प्राप्त गर्ने छन भने उपविजेता टिमले नगद २५ हजार रुपैया सहित कप र मेडल पाउने खेल संयोजक टार्जन थापाले जानकारी दिनु भएको छ।

यस्तै प्रतियोगिता अवधिभर उत्कृष्ट खेल प्रदर्शन गर्ने उत्कृष्ट गोल रक्षक, उत्कृष्ट डिफेण्डर, सर्वाधिक गोलकर्ता र उत्कृष्ट खेलाडीलाई समेत पुरस्कार प्रदान गरिने आयोजकले जनाएको छ। मंसिर ३ गते सम्म हुने उक्त फुटवल प्रतियोगिता कञ्चन ४ अस्नैया स्थित भैरमघाट खेल मैदानमा सञ्चालन हुने छ।
भैरमघाट ऐतिहासिक बालाचतुदर्शी मेल व्यबस्थापनका समितिका संयोजक ठाकुर गौतमको अध्यक्षतामा भएको कार्यक्रममा कार्यपालिका सदस्य सुशिला थापा, वडा सदस्यहरु श्रीमाया नेपाली र कुल बहादुर श्रीसको आतिथ्यता रहेको थियो।