कञ्चन गाउँपालिकाका प्रवक्ता तुलाचनले सम्झे गोल्ड मेडलिस्ट डा. सुमन आचार्यलाई‌

समाचार

गृहपृष्ठ
समाचार
कञ्चन गाउँपालिकाका प्रवक्ता तुलाचनले सम्झे गोल्ड मेडलिस्ट डा. सुमन आचार्यलाई‌

कञ्चन गाउँपालिकाका प्रवक्ता तुलाचनले सम्झे गोल्ड मेडलिस्ट डा. सुमन आचार्यलाई‌

मंगलबार, असार ३१, २०८२ कञ्चन खवर

३१ असार, कञ्चन
रुपन्देहीको कञ्चनमा रुद्रपुर सामुदायिक बन उपभोक्ता समूहले एस ई ई उत्तिर्ण विद्यार्थीहरुलाई सम्मान गरेको छ। उक्त सम्मान कार्यक्रममा कञ्चन गाउँपालिकाका कार्यपालिका सदस्य चित्रलाल तुलाचनले गोल्ड मेडलिस्ट डा. सुमन आचार्यलाई सम्झदै समाज रुपान्तरणको शुरुवात आफै र आफ्नै समाजबाट गर्नु पर्ने बिचार व्यक्त गर्नुभयो।
कञ्चन गाउँपालिकाका प्रवक्ता समेत रहनु भएका तुलाचनले भन्नु भयो, समाज परिबर्तन तब सम्भव छ जब आमा बुवा जाग्नु हुन्छ। आफु आबद्द संस्था जगाउनु हुन्छ आफ्नो भन्दा बच्चाको भबिष्यमा आफुलाई खोज्नु हुन्छ, तव परिबर्तन सम्भव छ। प्रवक्ता तुलाचनले शिक्षा त्यो शक्ति हो जहा जहिले पनि जुनै क्षेत्रमा पनि अर्थपुर्ण काम लाग्छ । त्यसैले सम्मानित हुने भाई बहिनि तथा उत्तिर्ण विध्यार्थीहरु सबैले आफ्नो आमा बुवाले खोज्दा भेटिने हुनुपर्ने उल्लेख गर्दै अभिभावकले खोज्दा चौकी र सुधार केन्द्र होइन। तपाई तपाईको प्रगति तपाईको भबिष्य र अभिभावकले तपाईको सपना साकार गर्न गरेको त्याग‌को मापन गर्दै भबिष्य बनाउन लागेको अवस्थामा भेटिनु पर्ने प्रवक्ता तुलाचनले जोड दिनुभयो।
प्रवक्ता तुलाचनले गोल्ड मेडलिस्ट डा. सुमन आचार्य कञ्चनकै उत्पादन भएको र यही कञ्चन गाउँपालिकाको रुद्रपुर मा वि का पुर्व विद्यार्थी रहेको उल्लेख गर्दै प्रवक्ता तुलाचनले कञ्चनले शिक्षा र पर्यटनको हबको रुपमा विकास गर्न लक्ष्य लिएको र कञ्चनवासी सबैको साथवाट देशमै कञ्चन गाउँपालिकालाई‌ शिक्षा क्षेत्रबाट चिनाउन सफल हुने विश्वास लिनु भएको थियो ।
कार्यक्रममा फरक विषयमा बोल्दै कञ्चन गाउँपालिकाको पनि आफ्नै परिक्षा हुने र लिजामा २०७९ मा ५५.५ प्रतिशत अंकबाट २०८० मा ७३.८७ र गत‌ बर्ष मात्र ८८ प्रतिशत अंक लिएको जानकारी गराउनु भयो। २०७४ देखि २०७९ सालसम्म १५ करोड बेरुजु रहरकोमा असुलउपर गर्नुपर्नेमा असुलउपर गरि समपरिक्षण गरेर ५ करोड वढि फर्स्योट गरेको समेत जानकारी दिनु भयो । प्रवक्ता तुलाचनले कञ्चनवासीहरुको सहयोग र सल्लाहका कारण आफुहरु निर्वाचित भएपछि कञ्चन गाउँपालिकाले रुपन्देही जिल्लामा सबै भन्दा कम‌बेरुजु आउने पालिका बनाउन सफल रहेको बताउनु भयो‌।
रुद्रपुर सामुदायिक बन उपभोक्ता समूहका अध्यक्ष हिमाल थापाको अधयक्षतामा भएको कार्यक्रममा शैक्षिक सत्र २०८१ को एस ई ई परीक्षामा उत्कृष्ट जि.पि.ए. ल्याउने विद्यार्थीलाई सम्मान तथा विद्यालयहरुलाई भित्ते पंखा प्रदान गरिएको थियो।

प्रकाशित मिति: मंगलबार, असार ३१, २०८२ ०६:३८