श्रीमानको क्रिया बसेको ५ दिनमा श्रीमतीको पनि मृत्यु

समाचार

गृहपृष्ठ
समाचार
श्रीमानको क्रिया बसेको ५ दिनमा श्रीमतीको पनि मृत्यु

श्रीमानको क्रिया बसेको ५ दिनमा श्रीमतीको पनि मृत्यु

आइतबार, वैशाख १४, २०८२ कञ्चन खवर

१४ बैसाख, दाङ
दाङको तुलसीपुर उपमहानगरपालिका-७ मोतीपुरमा श्रीमानको किरिया गरिरहेकी भगवती शर्माको निधन भएको छ । उनका श्रीमान नारायण आचार्यको ६ दिनअघि निधन भएको थियो । श्रीमानको किरिया बसेकी भगवतीको हिजो (शनिवार) विहान निधन भएको हो ।
शुक्रवार राति ११ बजे जीवनजल पानी खाएर सुतेकी भगवती शनिवार विहान उठाउँदा नउठेपछि तत्कालै राप्ती लाइफ केयर हस्पिटल लगिएको थियो ।
अस्पताल पुगेलगत्तै उनलाई चिकित्सकले मृत घोषणा गरेका थिए । उनी लामो समयदेखि चिनीरोग, ब्लडप्रेसर, कोलेस्ट्रोललगायत रोगबाट पीडित थिइन् ।
एक दशकदेखि विभिन्न सामाजिक सङ्घसंस्थामा आबद्ध भएर काम गर्दै आएकी उनी नेपाल रेडक्रस सोसाइटीको केन्द्रीय सदस्य हुनुका साथै राप्ती प्रादेशिक अस्पताल विकास समितिको पनि सदस्य थिइन् ।
उनका श्रीमान नारायणको ६ दिनअघि मृत्यु भएको थियो । नारायणले घरमै रहेको १२ बोरको बन्दुकले आफैँलाई गोली हानेर आत्महत्या गरेको प्रहरीको प्रारम्भिक अनुमान छ ।

प्रकाशित मिति: आइतबार, वैशाख १४, २०८२ ०५:३७

प्रतिक्रिया दिनुहोस्