कानुङमा आधारभूत सहकारी तालिम

समाचार

गृहपृष्ठ
समाचार
कानुङमा आधारभूत सहकारी तालिम

कानुङमा आधारभूत सहकारी तालिम

शुक्रबार, वैशाख १२, २०८२ कञ्चन खवर

१२ बैशाख, बुटवल
कानुङ बचत तथा ऋण सहकारी संस्था लिमिटेड,बुटवलले आफ्ना नयाँ सदस्यहरुका लागि एक दिवसीय आधारभूत सहकारी शिक्षा तालिम बुटवल तामनगरमा विहिवार सम्पन्न गरेको छ ।
तालिममा कानुङ बचत तथा ऋण सहकारीको ईतिहास, वर्तमान गतिविधि र भावी योजनाका साथै सहकारीका सिद्धान्त र व्यवहारका विषयवस्तुका बारेमा जानकारी दिइएको छ।
आफ्ना नयाँ सदस्यहरुलाई सहकारीका गतिविधि बताउँदै थप नयाँ सदस्यहरु अभिवृद्धि गर्ने हेतूका साथ तालिम सञ्चालन गरिएको संस्थाका कोषाध्यक्ष ठमी थापाले बताउनु भयो ।
तालिममा सहभागीहरुका तर्फबाट सीता कंडेल तरामूमगर, शिवकुमारी राना र दुर्गा सारुले कानुङ सहकारीले आयोजना गरेको आधारभूत सहकारी शिक्षा तालिम प्रभावकारी रहेको बताउँदै आफ्नो सहकारीका विषयमा धेरै कुरा जान्ने अवसर प्राप्त भएकोमा खुसी प्रकट गरेका छन।
तालिम समापन कार्यक्रमका प्रमुख अतिथि एवम् चारपाला भूपू सैनिक क्लवका सचिव ज्ञानी रानाले कानुङ सहकारीले आर्थिकमात्र नभएर सामाजिक, सांस्कृतिक एवम् नैतिक समर्थन जुटाउँदै सदस्यका गर्जो टार्दै गएको बताउदै सहकारीले सबै सदस्यहरुको मनोभाव बुझेर अघि बढ्नूपर्नेमा जोड दिनु भएको थियो ।
संस्थाका पूर्वअध्यक्ष जंगबहादुर श्रीस, निवर्तमान अध्यक्ष टोपबहादुर थापा र वर्तमान अध्यक्ष बेनप्रसाद थापाले कानुङ सहकारीमार्फत् आर्थिक उन्नति र प्रगति भईरहेको बताउनु भयो। संस्थाका अध्यक्ष बेनप्रसाद थापाले सहकारी मार्फत बचत गर्ने बानीको विकास गर्दै सहकारीबाट लिएको कर्जालाई उद्यमशीलता विकास गर्ने कामलाई प्रोत्साहन गर्ने कार्यलाई निरन्तरता दिएको उल्लेख गर्नुभयो। अध्यक्ष थापाले सहकारीलाई विश्वास गरेर युवा स्वरोजगार तथा डीजीयम लगायतका दातृनिकायहरुले आर्थिक एवम् सामाजिक सहयोग गर्दै आएको समेत जानकारी दिनु भएको थियो।
शिक्षा उपसमितिका संयोजक गुमादेवी सिंजालीको अध्यक्षतामा भएको कार्यक्रममा शिक्षा उपसमितिकी सदस्य कुमारी थापाले सञ्चालन गर्नुभ भएको थियो।

प्रकाशित मिति: शुक्रबार, वैशाख १२, २०८२ ०६:१६

प्रतिक्रिया दिनुहोस्