२३ चैत्र, बुटवल/मनु गुरुङ्ग
रुपन्देहीको बुटवलमा सयुक्त पुर्व सैनिक कल्याणकारी महासंघ नेपाल लुम्बिनी प्रदेशको आयोजनामा भारतीय भुपु सैनिक र उनका परिवारहरूका लागि पारिवारिक पेन्सन तथा अन्य सेवा सुबिधाबारे कानुनी परामर्श सम्पन्न भएको छ। हिजो शुक्रबार बुटवलको कालिकानगर स्थित एशियन होटलमा सम्पन्न ATF ( Armed Forces Tribund ) लखनऊ बेन्चद्वारा सो कानुनी परामर्श दिइएको थियो।
महासंघ नेपाल लुम्बिनी प्रदेशका अध्यक्ष डि बी थापाले कार्यक्रमको अध्यक्षता गर्दै कतिपय आर्मी परिवारहरुमा बहु बिवाहको मुद्धा धेरै हुने, मिति, भर्ति हुने बेलामा फरक फरक जात लेखाएर भर्ति हुने कारण जात तथा थर फरक लगायत समस्याका कारण हुने कानुनी झन्झटहरुलाई समधान गर्न सहज होस भन्ने उद्धेश्यले कानुनी परामर्श कार्यक्रमको आयोजना गरिएको बताउनु भयो।
कार्यक्रममा कानुनी सल्लाहकार कर्नेल सुमित कुमारले नेपालबाट भू.पू.हरुको बिभिन्न समस्या र मुद्धाहरु भएपनि समाधानका लागि प्रकृया कमैमात्र अगाडी बढ्ने भएकोले धेरै भू.पू.हरुले पेन्सन सुविधाबाट बञ्चित भइरहनु परेको जानकारी दिनुभयो। सेवा अवकास पछि भन्दा सेवामै हुँदा नै आफ्नो व्यक्तीगत र पारिवारिक कागजात बनाउनु पर्ने र पेन्सनपछि प्राप्त हुने हक अधिकारबारे प्रष्ट हुनुपर्ने जानकारी दिदै कानुनी सल्लाहकार कुमारले रिटायर्ड पछि पनि अवकास पत्र, पेन्सन पत्ता, सिट्रोलमा हुनसक्ने फरक र कमीकमजोरी तथा पारिवारिक डकुमेन्ट सम्बन्धी आफ्ना समस्याहरुको समाधानबारे कानुनी परामर्श दिनुभएको थियो। कार्यक्रमका प्रमुख अतिथि समेत रहनु भएका कुमारले पेन्सन डकुमेन्टमा भएको वास्तविक समस्या सम्बन्धित अफिसरलाई समयमै जानकारी दिएमा समस्या समाधान गर्न सहज हुने उल्लेख गर्दै भारत सरकारले उपलब्ध गराउने पेन्सन र अन्य सुविधाहरुको भू.पू.हरुबाट अधिक्तम उपयोग गर्न पाउन भन्ने उद्धेश्य रहेको समेत बताउनु भयो।
कार्यक्रममा जिल्लाका अध्यक्ष किसन बहादुर थापाले आफु जिवित हुदै सम्पुर्ण कागजात सच्चाएर आफ्ने शेष पछि आफ्नो परिवारले पाउने पारिवारिक पेन्सन सम्बन्धी सुविधा पाउनबाट सुरक्षित गर्नुपर्ने आग्रह गर्नुभयो। भू.पू.हरुको अवकास तथा पेन्सन पत्तामा हुने जात, थर र पारिवारिक समस्या समाधान गर्न सहज बनाउन होस भनेर कानुनी परामर्श कार्यक्रमको आयोजना गरिएको अध्यक्ष थापाले बताउनु भयो।
कार्यक्रम संयोजक प्रताप जि सी.को सहजीकरणमा भएको कार्यक्रममा म्याग्दी, पोखरा, स्याङ्जा, पाल्पा, भरतपुर, गुल्मी, प्युठान, अर्घाखाँची, नवलपरासी , कपिलवस्तु, दाङ ,रुपन्देहीका भू.पू.हरुले आ आफ्नो समस्या लिएर आएका थिए ।
महासंघका महासचिव सुबेदार कुल बहादुर केसीले सञ्चालन गर्नु भएको कार्यक्रममा Col डि बी मास्के राना Col गजेन्द्र बस्नेत ZM पुरन शाहीले समेत भू.पू.हरुमा भएको समस्या र त्यसको सहज समस्या समाधानका लागि भारत सरकार र नेपाल सरकारको संयुक्त समन्वय र सहजिकरण तत्काल गर्नुपर्नेमा आग्रह गर्नुभएको थियो।
-1730900112.jpg)
