सैनामैनामा आएर प्रचण्डले भने "सैनामैना खेलकुदको हव बनिरहेको छ।"

समाचार

गृहपृष्ठ
समाचार
सैनामैनामा आएर प्रचण्डले भने "सैनामैना खेलकुदको हव बनिरहेको छ।"

सैनामैनामा आएर प्रचण्डले भने "सैनामैना खेलकुदको हव बनिरहेको छ।"

बिहीबार, फागुन २९, २०८१ कञ्चन खवर

२९ फागुन, सैनामैना
नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल (प्रचण्ड) रुपन्देहीको सैनामैना आउनु भएको छ। प्रचण्ड मुर्गिया फुटवल क्लवको आयोजनामा सञ्चालन भएको सुनगाभा सैनामैना गोल्डकप २०८१ को समापन कार्यक्रमको प्रमुख अतिथिको रुपमा सैनामैना आउनु भएको हो।
समापन कार्यक्रमलाई सम्बोधन गर्दै नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल (प्रचण्ड) ले सैनमैनामा हरेक महिना कुनै न कुनै खेलकुद प्रतियोगिता सञ्चालन हुने गरेको र यो क्षेत्र खेलकुदको महत्वपुर्ण हव बनिरहेको बताउनु भयो। सैनामैनामा सञ्चालन हुने गरेको विभिन्न खेलकुद प्रतियोगिताले खेल क्षेत्रको विकासमा ठूलो योगदान गरेको बताउदै सैनामैना ७ मा बन्दै गरेको गौतमबुद्ध रङ्गशाला निर्माण गर्न आफुले सक्दो सहयोग गर्ने प्रतिवद्धता जनाउनु भएको थियो।
यस्तै नेकपा एमालेका पोलिटव्यूरो सदस्य तथा राष्ट्रिय सभाका पूर्व सदस्य खिमलाल भट्टराईले देशलाई समृद्ध र बिकासको मूलबाटोमा डोरिनका लागि नेकपा एमाले र नेपाली काङ्ग्रेसको गठबन्धन सरकारले लिएका योजना र उद्धेश्यहरुलाई आत्मसात गर्नुको विकल्प नरहेको बिचार व्यक्त गर्नुभयो। अव देशलाई कुनै पनि द्वन्दमा नभई सहमती, सहकार्य र आपसी समन्वयको आधारमा स्थानीय तहको तल्लो इकाईहरुबाटै हरेक क्षेत्रलाई समानुपातिक रुपमा बिकासको मार्गचित्रमा समावेश गर्न सके दलप्रति देखिएको असन्तुष्टिलाई निराकरण गर्न सकिने नेता भट्टराइले बिचार व्यक्त गर्नुभयो।
कुनै न कुनै परिस्थिति र कालखण्डमा मिलेर सरकारमा सत्तासिन दलहरु बिच एक अर्काबिच गाली गलौज गरेर होइन र कार्यगत एकता र सहकार्य मार्फत देशलाई आर्थिक तथा भौतिक बिकासमा सहयात्रा गर्नुको बिकल्प नरहेको भन्दै नेता भट्टराइले आफ्नो गृह नगर सैनामैनामा पूर्व प्रधानमन्त्री प्रचण्डलाई स्वागत गर्दै देश दौडाहमा रहनु भएका प्रचण्डले राजधानी फर्किदा गणतन्त्रको विरोधी शक्तीहरुका बिरुद्ध एकताको सन्देश लिएर फर्किन समेत आग्रह गर्नु भएको थियो।
यसैगरी सैनामैना नगरपालिकाका प्रमुख फणिन्द्र शर्माले सुनगाभा सैनामैना गोल्डकप २०८१ ले सैनामैनालाई बिकास र निकासमा मात्र होइन खेलकुद बिकासमा अनय स्थानीय तहहरुभन्दा अगाडी भएको प्रमाणित गरेका विचार व्यक्त गर्नुभयो। मुर्गिया फुटवल क्लवले सुनगाभा सैनामैना गोल्डकपको आयोजना गरेर सैनामैनाको पर्यटन बिकास र प्रचारको ऐतिहासिक र बलियो ईट्टा माथी ईट्टा थपेर सैनामैनाको “कृषि, पर्यटन, उद्योग र पूर्वाधार, सु–संस्कृत, समृद्ध नगर सैनामैनाको आधार” भन्ने मुल मन्त्रलाई अझ मजवुद बनाउन सहयोग गरेको नगर प्रमुख शर्माले उल्लेख गर्नुभयो।
नगर प्रमुख शर्माले पूर्व प्रधानमन्त्री प्रचण्डलाई सैनामैनामा बन्न लागेको अधुरो गौतमबुद्ध रङ्गशालाको निर्माण सम्पन्न गर्न आवस्यक बजेट सहितको योजनालाई प्राथमिकता दिन आग्रह गर्नुभयो।

प्रकाशित मिति: बिहीबार, फागुन २९, २०८१ ०९:०५