महायज्ञमा दानदाताहरुको भिड

समाचार

गृहपृष्ठ
समाचार
महायज्ञमा दानदाताहरुको भिड

महायज्ञमा दानदाताहरुको भिड

सोमबार, फागुन २६, २०८१ कञ्चन खवर

२५ फाल्गुन, मणिग्राम
रूपन्देहीको तिलोतमा ८ सूर्यपुरा स्थित विन्ध्यवासिनी मन्दिर क्षेत्र विकास समितिले सञ्चालन गरेको महायज्ञमा भक्तजनहरूको आकर्षण वृद्धि भएको छ । महायज्ञको हिजो चौथो दिन दान गर्ने भक्तजनहरुको भिड भइरहेको आयोजकले जनाएको छ। हालसम्म ८५ जना दाताहरूले आफ्नो क्षमता अनुसार एकै व्यक्तिले लाखौं रुपैयाँसम्म दान गर्नुभएको आर्थिक समितिका संयोजक हिरालाल खनालले बताउनुभयो ।
यस्तै, भक्तजनहरूको अपार उपस्थिति भएको आयोजकले बताएका छन् । यसअघि व्यवस्था गरिएको पण्डालले थेग्न नसक्ने हो कि भन्ने स्थितिमा पुगेको आयोजक समितिका सदस्य केशव न्यौपानेले बताउनुभयो ।
विशेषगरी सन्ध्याकालीन श्रृृङ्गारिक महाआरती र प्रातः कालीन ध्यान तथा योगमा युवायुवती समेतको आकर्षण अत्यन्त बढेको देखिएको छ । पूर्वीय दर्शन सुन्नका लागि मात्र नभई उपयोग गर्न र व्यवहारमा ढाल्नका लागि भएको आफूहरुले पाएको विन्ध्यवासिनी युवा क्लबले वकालत गर्न थालेको छ । महायज्ञको चौथो दिनसम्म आयोजक अत्यन्त हर्षित मुद्रामा देखिएका छन् ।

महायज्ञका प्रमुखवाचक आचार्य चैतन्य कृष्ण प्रभुले आत्मसन्तुष्टि समेत हुने गरी धार्मिक सत्संगमा जानु नै वर्तमान सभ्यतामा उत्तम विकल्प हुने बताउनुभएको छ ।

प्रकाशित मिति: सोमबार, फागुन २६, २०८१ ०६:५९