ई-रिक्सा व्यवस्थापनकोलागी पालिका स्तरिय सहमती

समाचार

गृहपृष्ठ
समाचार
ई-रिक्सा व्यवस्थापनकोलागी पालिका स्तरिय सहमती

ई-रिक्सा व्यवस्थापनकोलागी पालिका स्तरिय सहमती

शुक्रबार, फागुन २३, २०८१ कञ्चन खवर

२३ फागुन, भैरहवा
रुपन्देहीको सदरमुकाम समेत रहेको सिद्धार्थनगर नगरपालिका भैरहवामा अटो तथा ईरिक्सा व्यवस्थापन गर्न अन्तरपालिका समन्वय वैठकमा सहमति भएको छ ।
सिद्धार्थनगर नगरपालिकाका नगर प्रमुख इश्तियाक अहमद खाँको अध्यक्षतमा बिहिवार जिल्ला प्रशासन कार्यालय रुपन्देहीमा बसेको पालिका स्तरिय समन्वय वैठकले यसअघि भएका निर्णयहरुलाई कार्यान्वयनमा लगी अटो तथा ई-रिक्सा व्यवस्थापन गर्ने निर्णय भएको हो । सिद्धार्थनगर सहित, ओमसतिया, मायादेवि, सियारी गाँउपालिका र जिल्ला सुुरक्षा समिती बिच बसेको बैठकले ईरिक्सा व्यवस्थापनलाई प्रभावकारी बनाउने निर्णय गरेको सिद्धार्थनगर नगरपालिकाका प्रमुख प्रशासकिय अधिकृत जनक थापाले जानकारी दिनुभयो । तिनपाङग्रे सवारी साधन दर्ता नगरेका गाउँपालिकाहरुले तिनपाङ्ग्रे सवारी साधन नियमन सञ्चालन तथा व्यवस्थापनको लागि मिति २०८१ माघ १३ मा भएको बैठकको निर्णय अनुसार तोकिएको समयावधि भित्र कतिपय गाउँपालिकाले कानुन निर्माण लगायतका कार्यहरु गर्न बाँकी रहेको तथा कतिपय गाउँपालिकाले कानुन निर्माण गरी दर्ता प्रकृयामा रहेको देखिएकोले तिनपाङग्रे सवारीसाधन व्यवस्थापन तथा नियमनको लागि मिति २०८१ चैत्र १० गते भित्र कार्य सम्पन्न गर्ने निर्णय भएको प्रमुख प्रशासकिय अधिकृत जनक थापाले बताउनु भयो।
त्यस्तै तिनपाङ्ग्रे सवारी साधनहरुको व्यवस्थापन तथा नियमनका सन्दर्भमा मिति २०८१ चैत्र ११ गते देखि सवारी साधनको कागजात नियमित चेकजाँच कार्यलाई चुस्त दुरुस्त तथा व्यवस्थित गर्नका लागि जिल्ला प्रहरी कार्यालय तथा वडा प्रहरी कार्यालय जिल्ला ट्राफिक कार्यालय र पालिकाका प्रहरीलाई जिम्मा दिने निर्णय समेत गरेको छ । सो बैठकले तिनपाङ्ग्रे सवारी साधनलाइ मिति २०८१ चैत्र ११ गते देखि चेकजाँचका क्रममा जुन पालिकामा कारवाहीमा परेका हुन सोही पालिकाको कानुन बमोजिम कारवाही गर्ने निर्णय समेत गरेको छ ।

प्रकाशित मिति: शुक्रबार, फागुन २३, २०८१ ०७:४८