२० फागुन, भक्तपुर
नेपाल मजदुर किसान पार्टीको आठौं महाधिबेशन सम्पन्न भएको छ। महाधिबेशनले पार्टीका संस्थापक अध्यक्ष नरायणमान बिजुक्छे (रोहित)को अध्यक्षतामा ३३ सदस्यिय नयाँ कार्य समिति सर्बसम्मत निर्वाचित गरेको छ।
महाधिबेशनले केन्द्रीय सचिब प्रेम सुवाल र कोषाध्यक्षमा मोहन प्रसाद प्रजापतिलाई निर्वाचित गरेको छ। यस्तै सदस्यहरुमा सुनिल प्रजापति, नन्द बहादुर शाही, डिल्ली प्रसाद काफ्ले, जग्य बहादुर शाही, नवराज कोइराला, सनकमान महर्जन, सरोजराज गोसाईँ, उकेश कवाँ, खगेन्द्र बहादुर शाही, कृष्ण कुमार बैध, रबिन्द्र ज्याखव, अनुराधा थापा मगर, कमलमैया सुवाल, हरिसुन्दर बासी, राजबीर डंगोल, सुरेन्द्रराज गोसाई, सृजना सैंजु, सरोज कुमार शाह, कृष्ण कुमार तामङ्ग, मुक्ति यादब, योगेन्द्रमान बिजुक्छे, बखत थापा, रमेश कुमार रावल, केशेन्द्र प्रसाद कार्की, खडगराज शाहीलाई सर्बसम्मत निर्वाचित गरेको छ।
यसैगरी मञ्जु चौधरी, बिनोद कुमार बि.क., प्रकाश गुरुङ्ग र तुल्सी खड्कालाई बैकल्पिक केन्द्रीय समितिमा निर्वाचित गरेको छ।यस्तै महाधिबेशनले प्रदेश संयोजक समेत निर्वाचित गरेकोछ। कोशीका लागि उकेश कवाँ, मधेशका लागि सुनिल प्रजापति, बागमतीका प्रेम सुवाल, लुम्बिनीका लागि हरिसुन्दर बासी, कर्णालीका लागि सरोजराज गोसाईँ र सुदुरपश्चिमका लागि नवराज कोइरालालाई संयोजकमा निर्वाचित गरेको छ।
यस्तै महाधिबेशनले नरेन्द्र हुमागाई, जय बहादुर शाही, बजिरसिंह बि.क., नरमा गुरुङ्ग, शिबलाल डांगी, उध्धव सुजखु, श्री कृष्ण कि.सी., पि.के. श्रेष्ठ, हिमालयश्वरलाल श्रेष्ठ र विश्वनाथ प्रजापतिलाई केन्द्रीय सल्लाहकार समितिमा मनोनयन गरेकोछ।
आठौं महाधिबेशनले ३२ पुर्ण र ७ बैकल्पिक केन्द्रीय सदस्य सहित ३९ सदस्यिय केन्द्रीय समिति निर्वाचित हुने पार्टीको बिधान संशोधन समेत गरेको छ। यस अघि २१ पुर्ण र ४ बैकल्पिक गरि २५ सदस्यिय केन्द्रीय समिति रहने व्यबस्था थियो।
निर्वाचित समितिले ३ पुर्ण र ३ बैकल्पिक गरि ६ जना सदस्यको मनोनयन गर्नेछ। यस्तै प्रेम सुवाल, सुनिल प्रजापति, नन्द बहादुर शाही, अनुराधा थापा मगर र सरोज शाह सम्मिलित बिधान संशोधन समिति समेत महाधिबेशनले गठन गरेको छ।
यसैगरी महाधिबेशनले नव निर्वाचित केन्द्रीय सचिब प्रेम सुवाल र केन्द्रिय सदस्य सुनिल प्रजापतिद्वारा प्रस्ताबित राष्ट्रिय तथा अन्तराष्ट्रिय प्रस्ताबहरु पारित गर्नुको साथै पार्टीको नीति तथा कार्यक्रम समेत सुझाब सहित अनुमोदन गरेको छ।
नेमकिपाको आठौं महाधिबेशन यही फागुन १६ गते देखि भक्तपुरमा शुरु भएको थियो।महाधिबेशनमा ६० जिल्लाका प्रतिनिधि र प्रयबेक्षकगरी ५५० जना सहभागी थिए ।
पार्टीको पहिलो महाधिवेशन २०४७ पौष २८,२९ र ३० गते रुपन्देही जिल्लाको भैरहवामा सम्पन्न भएको थियो । त्यसपछि दोस्रो सम्मेलन २०५१ असोज ३ र ४ भक्तपुरमा, तेस्रो सम्मेलन २०५५ माघ १२,१४ र १५ भक्तपुरमा, चौथो महाधिवेशन २०६० भदौ ११, १२ र १३ भक्तपुरमा, पाँचौँ महाधिवेशन २०६५ भदौ ६,७ र ८ काठमाडौँमा, छैटौँ महाधिवेशन २०७० चैत २१,२२,२३ र २४ काठमाडौँमा, सातौँ महाधिवेशन २०७६ असोज ३,४ र ५ भक्तपुरमा भएको थियो ।
-1730900112.jpg)
