बिभिन्न मुद्धाका १२ जना फरार प्रतिवादीहरु पक्राउ

समाचार

गृहपृष्ठ
समाचार
बिभिन्न मुद्धाका १२ जना फरार प्रतिवादीहरु पक्राउ

बिभिन्न मुद्धाका १२ जना फरार प्रतिवादीहरु पक्राउ

बिहीबार, माघ २४, २०८१ कञ्चन खवर

२४ माघ, भैरहवा
जिल्ला अदालत रुपन्देहीको बिभिन्न मितिको फैसला बमोजिम विभिन्न मुद्धामा कैद तथा सजाय भई हालसम्म फरार भएका रहेका १२ जना प्रतिवादीहरुलाई विभिन्न प्रहरी ईकाईहरुबाट खटिएको प्रहरी टोलीले पक्राउ गरेको छ।
जिल्ला प्रहरी कार्यालय, रुपन्देहीबाट खटिएको प्रहरी टोलीले जिल्ला अदालत रुपन्देहीको मिति २०७०।१२।११ गतेको फैसला बमोजिम कर्तव्य ज्यान मुद्धाका फरार प्रतिवादी जिल्ला रुपन्देही कोटहीमाई गाउँपालिका वडा नं. २ बस्ने साधु तिवारी र जोगी तिवारीलाई पक्राउ गरेको छ।
यस्तै मिति २०६८।०३।१९ गतेको फैसला बमोजिम कुटपिट मुद्धाका फरार प्रतिवादी जिल्ला रुपन्देही कोटहीमाई गाउँपालिका वडा नं. २ बस्ने फौजदार मुसलमान र सोही स्थान बस्ने रामजित लोधलाई पक्राउ गरी कैद तथा जरिवाना भुक्तानको लागी रुपन्देही जिल्ला अदालतमा पेश गरेको छ।
यसैगरी इलाका प्रहरी कार्यालय वुटवल रुपन्देहीबाट खटिएको प्रहरी टोलीले मिति २०७२।१२।१८ गतेको फैसला बमोजिम सार्वजनिक अपराध मुद्धामा रु २८५०/- जरिवाना फैसला भई हालसम्म फरार रहेका जिल्ला रुपन्देही बुटवल उप-महानगरपालिका वडा नं. ४ बस्ने साजन थापा र सोही स्थान बस्ने युवराज थापालाई पक्राउ गरेको छ।
यसैगरी कर्तव्य ज्यान मुद्धामा फरार प्रतिवादी जिल्ला रुपन्देही बुटवल उप महानगरपालिका वडा नं. १ बस्ने शिवलाल बि. क. र बुटवल उप-महानगरपालिका वडा नं.३ बस्ने राजेन्द्र अमात्यलाई पक्राउ गरी कैद तथा जरिवाना भुक्तानको लागी रुपन्देही जिल्ला अदालतमा पेश गरेको छ।
इलाका प्रहरी कार्यालय लुम्बिनी रुपन्देहीले मिति २०७०।०९।२१ गतेको फैसला बमोजिम भ्रष्टाचार मुद्धाका ६ दिन कैद र १००००/- जरिवाना फैसला भई हालसम्म फरार रहेका फरार प्रतिवादी जिल्ला रुपन्देही लुम्बिनी सांस्कृतिक नगरपालिका वडा नं. ९ बस्ने नागेन्द्र प्रसाद तिवारीलाई पक्राउ गरेको छ।
वडा प्रहरी कार्यालय वुटवल रुपन्देहीबाट खटिएको प्रहरी टोलीले मिति २०७३।०८।०२ गतेको फैसला बमोजिम लागु औषध मुद्धामा २८ दिन कैद सजाय भई हालसम्म फरार रहेका जिल्ला रुपन्देही बुटवल उप-महानगरपालिका वडा नं. ७ बस्ने सन्तोष साना र सोही मुद्धामा १३ दिन कैद सजाय र १०५० जरिवाना फैसला भई हालसम्म फरार रहेका सोही स्थान बस्ने सन्दिप रानालाई पक्राउ गरेको छ।
यसैगरी सार्वजनिक अपराध मुद्धाका फरार प्रतिवादी जिल्ला रुपन्देही तिलोत्तमा नगरपालिका वडा नं. ४ बस्ने सुरज गुप्तालाई पक्राउ गरी कैद सजाय भुक्तानका लागि जिल्ला अदालत रुपन्देहीमा पेश गरेको जिल्ला प्रहरी कार्यलय रुपन्देहीका सूचना अधिकारी तथा प्रहरी नायव उपरीक्षक सूरज कार्कीले जानकारी दिनु भएको छ।

प्रकाशित मिति: बिहीबार, माघ २४, २०८१ २१:५६