माघे सक्रान्तिको अवसमा जेष्ठ नागरिकहरुलाई सम्मान

समाचार

गृहपृष्ठ
समाचार
माघे सक्रान्तिको अवसमा जेष्ठ नागरिकहरुलाई सम्मान

माघे सक्रान्तिको अवसमा जेष्ठ नागरिकहरुलाई सम्मान

सोमबार, पुस २९, २०८१ कञ्चन खवर

२९ पुस, बुटवल/विनोद खनाल
सैनामैना नगरपालिका वडा नम्बर ५ को कर्मुहा टोल बिकास संस्थाले माघे सक्रान्तिको अवसरमा जेष्ठ नागरिकहरुलाई सम्मान गरेको छ ।
कार्यक्रममा प्रमुख अतिथि समाजसेवी बुद्धिजीवी वसन्त श्रेष्ठले ७० वर्ष उमेर पुगेका जेष्ठ नागरिक र अशक्त नागरिक गरि १७ जनालाई ज्याकेट तथा नगद सहित सम्मान गर्नु भएको हो।
सो अवसरमा बोल्दै श्रेष्ठले मृत्यु पश्चातका दान, पिण्ड र श्राद्ध भन्दा बृद्ध र अशक्त अवस्थामा सेवा गर्नु नै वास्तविक पुन्य हुने बिचार व्यक्त गर्नुभयो । राजनितीक अगुवा समेत रहनु भएका श्रेष्ठले समाज निर्माणमा पाकापुस्ताहरुको महत्वपुर्ण भुमिका हुने भन्दै पाकाहरुका अनुभव र शिक्षा लिँदै असल समाज निर्माणमा युवाहरु जुट्नुपर्ने उल्लेख गर्नुभयो। अग्रजहरुको सम्मान नगर्ने समाज अधोगतिर जाने भन्दै वहाँले अग्रजहरुका ती अनुकरणीय कामहरु हुन्छन जुन भविश्यका पुस्ताहरुले समेत मार्गदर्शन लिन सक्छन श्रेष्ठले भन्नु भयो।
टोल बिकास संस्थाका अध्यक्ष तारा बहादुर कुँवरको अध्यक्षता, मिना पाण्डेको संचालन र नारायण पोख्रेलको संचालनमा सम्पन्न कार्यक्रममा सम्मानित हुनेहरुका तर्फबाट समाजसेवी ८३ वर्षीय डम्बर बहादुर श्रेष्ठ, हरिदेवि श्रेष्ठ, टोल बिकास संस्थाका सल्लाहकार मोहन पाण्डे लगायतले बोल्नु भएको थियो ।

प्रकाशित मिति: सोमबार, पुस २९, २०८१ ०८:०९