नेपाल रेडक्रस सोािईटी कञ्चन उपशाखाको ९ औं बार्षिक साधारण सभा सम्पन्न

समाचार

गृहपृष्ठ
समाचार
नेपाल रेडक्रस सोािईटी कञ्चन उपशाखाको ९ औं बार्षिक साधारण सभा सम्पन्न

नेपाल रेडक्रस सोािईटी कञ्चन उपशाखाको ९ औं बार्षिक साधारण सभा सम्पन्न

शनिबार, पुस २७, २०८१ कञ्चन खवर

२७ पुस, कञ्चन
नेपाल रेडक्रस सोसाईटी कञ्चन उपशाखाको साधारण सभा शुक्रबार सम्पन्न भएको छ ।
साधारण सभालाई सम्बोधन गर्दै कञ्चन गाउँपालिका अध्यक्ष नवराज ढकालले रेडक्रस सोसाइटी विशुद्ध मानव सेवा, आपतविपद र विनाशकारी समयमा सेवा गर्ने संस्था भएको बताउनु भयो । साथै उहाँले यस रेडक्रस संस्थालाई हिजोको समयमा पनि सहयोग गरेको र आगामी दिनहरुमा पनि पालिकाको सहयोग रहने बताउनु भयो ।
९ औँ बार्षिक साधारण सभाको अवसरमा नेपाल रेडकरस सोसाइटी कञ्चन उपशाखा रुपन्देहीद्वारा यही पौष ११ गते आयोजित कविता वाचन प्रतियोगितामा प्रथम हुन सफल श्री लुम्बिनी ज्ञान निकेतन माध्यमिक विद्यालयका छात्र पवन सुवेदी र छात्रा सुस्मिता पौडेल यसैगरी द्वितीय हुन सफल बुद्धदिप माध्यमिक विद्यालयका छात्र प्रविण भण्डारी र छात्रा बिमला पुरी त्यसैगरी तृतीय हुन सफल श्री दुर्गा माध्यमिक विद्यालयका छात्र श्रीराम कार्की र छात्रा मोनिका घर्ती मगर लाई पुरस्कृत गरिएको थियो ।
सभाले उपशाखाका सभापति तुल बहादुर थापाले प्रस्तुत गर्नु भएको बार्षिक प्रतिवेदन अनुमोदन गरेको छ। उपसभापति हिमा बेलवासेको स्वागत तथा सचिव शसिधर सापकोटाको संचालनमा भएको साधारण सभामा सदस्य कल्पना गिरीले रेडक्रसका सात सिद्धान्त पाठ गर्नु भएको थियो।
कार्यक्रमा कञ्चन गाउँपालिका उपाध्यक्ष मौसमी थापा मगर, कञ्चन गाउँपालिका वडा नम्बर ३ का वडा अध्यक्ष टिकाराम सापकोटा, वडा नम्बर १ का वडा अध्यक्ष हरिनारायण थारु, कन्चन गाउँपालिका कार्यपालिका सदस्य तथा प्रवक्ता चित्रलाल तुलाचन, कञ्चन गाउँपालिका कार्यपालिका सदस्य खगिसरा शर्मा, सुकमाया दर्जी, संस्थाका पूर्व सभापति गङ्गालाल पौड्याल लगायतको अनतिथ्यता रहेको थियो ।्

प्रकाशित मिति: शनिबार, पुस २७, २०८१ २०:१३