३ जना फरार प्रतिवादीहरु पक्राउ

समाचार

गृहपृष्ठ
समाचार
३ जना फरार प्रतिवादीहरु पक्राउ

३ जना फरार प्रतिवादीहरु पक्राउ

शनिबार, पुस २७, २०८१ कञ्चन खवर

२७ पुस, कञ्चन
जिल्ला अदालत रुपन्देहीको बिभिन्न मितिको फैसला बमोजिम विभिन्न मुद्धामा कैद तथा सजाय भई हालसम्म फरार ३ जना प्रतिवादीहरुलाई विभिन्न प्रहरी ईकाईहरुबाट खटिएको प्रहरी टोलीले पक्राउ गरी जिल्ला अदालत रुपन्देहीमा कैद तथा जरिवाना भुक्तानको लागी पेश गरेको छ ।
जिल्ला प्रहरी कार्यालय रुपन्देहीका सूचना अधिकारी तथा प्रहरी नायव उपरीक्षक सूजन कार्कीका अनुसार जिल्ला अदालत रुपन्देहीको मिति २०६२।०२।१७ गतेको फैसला बमोजिम गाली बेइजति मुद्धामा हालसम्म फरार जिल्ला रुपन्देही मायादेवी गाउँपालिका वडा नं. ६ बस्ने गौरी कलवार र सोही स्थानकै पुर्णवासी कलवारलाई इलाका प्रहरी कार्यालय मझगवा रुपन्देहीले पक्राउ गरेको हो।
यस्तै इलाका प्रहरी कार्यालय सालझण्डी रुपन्देहीबाट खटिएको प्रहरी टोलीले जिल्ला अदालत रुपन्देहीको मिति २०७१।१२।१८ गरेको फैसला बमोजिम सार्वजनिक अपराध मुद्धामा हालसम्म फरार रहेका जिल्ला रुपन्देही सैनामैना नगरपालिका वडा नं. ६ बस्ने मधु ज्ञवालीलाई पक्राउ गरी जिल्ला अदालत रुपन्देहीमा कैद तथा जरिवाना भुक्तानको लागी पेश गरेको छ ।

प्रकाशित मिति: शनिबार, पुस २७, २०८१ ०६:५९

प्रतिक्रिया दिनुहोस्