सियारीमा उद्घोषण तालिम सम्पन्न

समाचार

गृहपृष्ठ
समाचार
सियारीमा उद्घोषण तालिम सम्पन्न

सियारीमा उद्घोषण तालिम सम्पन्न

बुधबार, पुस ३, २०८१ कञ्चन खवर

३ पुस, शुद्धोधन
सियारी गाउँपालिकामा दुई दिने उद्घोषण तालिम सम्पन्न भएको छ। सियारी गाउँपालिका वडा नम्बर ५ को आयोजनामा संचालन भएको उद्घोषण तालिममा ३५ जनाले सहभागिता जनाएका थिए।
तालिम समापन गर्दै सियारी गाउँपालिका वडा नम्बर ५ वडा अध्यक्ष धनपति खरेलले तालिम लिनु र दिनु मुख्य बिषय भन्दा पनि तालिमबाट सिकेको कुरालाई व्यबहारिक बनाउन के कतिको अभ्यास गरियो र त्यसले समाजलाई कस्तो प्रभाव वा असर गर्छ भन्ने कुरा मुख्य बिषय हुने बिचार व्यक्त गर्नु भयो। सिकाईलाई प्रभावकारी बनाउन आफैले नै व्यबहारमा लागु गर्न सकेमात्र तालिम संचालन गर्नुको अर्थ बढी हुने उल्लेख गर्दै वडा अध्यक्ष खरेलले समय सापेक्ष आफ्नो वाक कलालाई आयसंग जोड्न आवस्यक रहेको बताउनु भयो।
कार्यक्रममा बोल्दै कार्यपालिका सदस्य अन्जु रोकाहले तालिममा आफूले सिकेको कुरा दैनिक जीवनमा लागू गर्नुपर्ने कुरामा जोड दिदै उद्घोषण तालिम लिइसकेपछि उद्घोषक नै बन्नुपर्छ भन्ने नभई वाक क्षमताले असल नेतृत्वको बिकास हुने बिचार व्यक्त गर्नु भयो।
वडाका विभिन्न टोल विकास समितिका पदाधिकारीहरू र विभिन्न संघसंस्थाका प्रतिनिधि लगायत ३५ जनाको सहभागिता रहेको तालिमको समापन कार्यक्रममा वडा सदस्य बिमला दर्जी, वडा सचिव चिरञ्जीवी अधिकारी, रामनारायण थारु, सन्तोष शर्मा भुसाल र समाजसेवी मोहन शाही लगायतको आतिथ्यता रहेको थियो।
तालिममा प्रशिक्षक रवि राना र नारायणी भुषालले सहजीकरण गर्नु भएको थियो।

प्रकाशित मिति: बुधबार, पुस ३, २०८१ २०:५६