हरैया बहुमुखी क्याम्पसमा चुनावको गर्मी, संचालक समितिका लागि दुई समूह प्रतिस्पर्धा

समाचार

गृहपृष्ठ
समाचार
हरैया बहुमुखी क्याम्पसमा चुनावको गर्मी, संचालक समितिका लागि दुई समूह प्रतिस्पर्धा

हरैया बहुमुखी क्याम्पसमा चुनावको गर्मी, संचालक समितिका लागि दुई समूह प्रतिस्पर्धा

शुक्रबार, साउन २५, २०८१ कञ्चन खवर

२५ साउन, कञ्चन
रुपन्देहीको कञ्चनमा संचालित हरैया बहुमुखी क्याम्पसमा चुनावी गर्मी बढ्न शुरु गरेको छ। क्याम्पस संचालक समितिको गठन प्रकृयाका लागि उक्त चुनावी गर्मी बढ्न लागेको हो।
बिभिन्न चरणमा भएको क्याम्पस सभा सदस्य सम्बद्ध दलहरुको बैठकहरुको सामुहिक छलफलबाट पनि सहमती नभएपछि क्याम्पसमा चुनाव हुने भएको हो। एक अध्यक्ष सहित ७ जना पदाधिकारीहरु छनौटका लागि दुई समूहले छुट्टा छुट्टै उमेद्वारी मनोनयन गरेको निर्वाचन समितिका संयोजक रामजी प्रसाद आचार्यले जानकारी दिनु भएको छ।
कञ्चन गाउँपालिकाका निर्वातमान समेत रहनु भएका गोकर्ण बहादुर क्षेत्री र सोही क्याम्पसका पुर्व प्राध्यापक टीकाराज गिरीले आ आफ्नो छुट्टा छुट्टै समूहमा निर्वाचन तालिका अनुसार हरैया बहुमुखी क्याम्पसमा पुगी उमेद्वारी दर्ता गरेका हुन। क्षेत्रीको नेतृत्वमा बालकृष्ण पैनी, चुडमणी जैसी, मेख बहादुर थापा, भानुभक्त भण्डारी र उमा ढकालले उमेद्वारी दिएका हुन भने टीकाराज गिरीको नेतृत्वमा कृष्णप्रसाद चालिसे, दिपक पौडेल, देवीलाल पौडेल, सागर शर्मा, भोजराज उपाध्याय र तिलकचन्द्र थापाले उमेद्वारी दिएका छन।
यही साउन ३२ गते हुने चुनावका लागि ३२६ जना क्याम्पस सभा सदस्यले मतदान गर्न पाउने छन।